Ikinyamakuru Belga cyandikirwa mu Bubiligi kivuga ko uyu mugabo wari wishyuye akoresheje ikarita ye ya banki (credit card) yatawe muri yombi nyuma y’uko icyuma cyanze kurekura amafaranga kigatanga ubutumwa bw’impuruza ko iyo karita yari ibikuje amafaranga y’ikirenga.

Yatanze ishimwe ry’ibihumbi hafi 99 by’amadorali bituma arara mu gihome.

Polisi y’ahitwa Barrie muri Canada ivuga ko kuwa mbere ahagana mu saa sita z’ijoro ari bwo yagiye kumva ikumva mu kabari (Bar) kari hafi y’umujyi wa Toronto barayihamagaye bavuga ko hari umusinzi wishyuye mu buryo budakwiye none bakaba batashoboye kubona amafaranga yabo.

Polisi igira iti “Yasabye sandwich y’amadorari arindwi asigira umukobwa wamuhaye serivisi ishimwe ry’amadorari98 932 (70,485 euros)”.

Polisi ikomeza ivuga ko aya mafaranga yiyongereye ku yo yagombaga kwishyura ari yo yishyuye n’ikarita ya banki akanga gusohoka. Polisi igira iti “Ku bw’amahirwe make byarangiye uyu mwana w’umukobwa abuze ishimwe rye”.

Nyuma yo kubona ko byose byari byaturutse ku isindwe uyu mugabo wari wishyuye aka kayabo na we ngo byarangiye araye mu maboko ya polisi ashinjwa kuba yari yarenze ku cyemezo cy’ubutabera kimubuza kunywa agasembuye.

Niyonzima Oswald