Uyu mugore urashaka kuzajya mu irushanwa ry’abantu banini ku isi, ajyenda akora ibishoboka byose ngo mu mpera z’uyu mwaka azabe ariwe uhiga abandi mu bunini; nk’uko bitangazwa n’ikinyamakuru The Daily Mail.

Ubu yiyemeje kujya afata ibyo kurya bifite nibura carolie ibihumbi 20 ku munsi. Ajya guhaha rimwe mu kwezi akamara amasaha arenga umunani apakira utugare dutandatu atwaramo ibyo aba yahashye.

Susanne ufite abana babiri yumva azaruhuka ari uko ageze ku ntego ye yo guhiga abandi mu bunini. Uyu mugore afite intebe agendaho yicaye kubera kuremererwa n’ubunini kuko atakibasha kugenda n’amaguru igihe kirekire.

Nubwo ameze gutya ariko, we avuga ko yumva ameze neza mu mubiri kandi ngo uko yiyongera niko yumva arushijeho kwishima. Yagize ati “ndashaka kugerageza nkareba ko umuntu yageza kuri toni”.

Susanne avuga ko yafashe gahunda yo kuba umuntu munini ku isi nyuma yo gushaka kunanuka ariko bikanga. Yabonye nnubundi arimo kuba munini ahitamo kubikorera icyo. Ngo yabonye abagabo benshi bakunda kumwitegereza bituma yumva bimuhaye ishema nuko nawe arahimbarwa.

Akora imyitozo ngororamubiri buri munsi ariko igihe gito cyane

Susanne aryamye mu ntebe

Susanne amara amasaha umunani ahaha ibyo kurya azakoresha ukwezi

Ernestine Musanabera