KT TV
Knowless mu irushanwa ryigeze kwitabirwa na Michael Jackson
Umunyarwandakazi Butera Jeanne d’Arc uzwi nka Knowless wegukanye PGGSS5 yashyizwe ku rutonde rw’abazitabira Kora Award 2016.
Kora Awards ni irushanwa ry’abanyamuzika bo muri Afurika kuko ari ryo rihemba amafaranga menshi. Umuhanzi w’umwaka muri iryo rushanwa ahembwa miliyoni y’amadolari y’Amerika.
Iri rushanwa ryanitabiriwe n’igihangange Michael Jackson mu 1991 akanaryegukana, Knowless ni we Munyarwandakazi rukumbi washyizwe ku rutonde rw’abanzi b’igitsina gore bazaryitabira baturutse muri Afurika y’Iburasirazuba.
Indirimbo akesha kujya muri rushanwa risumba ayandi ku mugabane w’Afurika ngo akaba ari iyitwa "Peke yangu" yakoze mu rurimi rw’Igiswahili.
Rizasozwa ku wa 20 Werurwe 2016 i Windhoek muri Namibiya ari na bwo bazatanga ibihembo ku bazaba bitwaye neza mu byiciro bitandukanye ndetse no ku muhanzi w’umwaka muri Afurika.
Butera Knowless ahanganye n’ibyamamare nka Juliana Kanyomozi wo muri Uganda mu ndirimbo ye “Woman”, Vanessa Mdee wo mu gihugu cya Tanzaniya mu ndirimbo ye “Nobody but me” yafatanyije na KO, Victoria Kimani wo muri Kenya mu ndirimbo ye “Two of Dem”, Irene Ntale wo muri Uganda mu ndirimbo ye “Kabugo” ndetse na Avril Nyambura wo muri Kenya mu ndirimbo ye “Hello Baby”.
Si ubwa mbere Umunyarwanda yahatanira ibi bihembo kuko mu mwaka wa 2012, Tonzi na Sacha Kat bitabiriye iri rushanwa.
Tonzi yari yatwawemo n’indirimbo ye “Shima Imana” yari yashyizwe mu cyiciro cy’indirimbo zihimbaza Imana naho Sacha Kat we mu ndirimbo ye “Nsobanurira” yari yashyizwe mu cyiciro cy’Abahanzi bakizamuka”.
Umuhanzi Jean Paul Samputu we yabashije kwegukana igihembo cya Kora Awards mu mwaka wa 2003 mu cyiciro cy’indirimbo z’Umuco ku ndirimbo ye Nyaruguru.
Uretse umuhanzi w’umwaka uhabwa miliyoni y’amadolari, uwegukanye icyiciro agahabwa ibihumbi 50$.
Ibitekerezo ( 17 )
Ohereza igitekerezo
|
|
waoooo mbega byiza knowless tukuri inyuma kbsa kandi turabyizeye ko nacyo uzagitwara pe
Butera Knowless tu kwifurije amahirwe meshi knd turagushyigikeye, tu kuri nyuma kuko urashoboye crg Imana niko meze ikuyobore mu marushanwa atangiye kugeza asoje
igikombe kigomba ,gutaha kwa butera yewe n’icy’umwaka ni icyacu! :)
salut?? knowless
kbsa turamushyigikiye kdi tumufitiye ikizere nkumunyarwandakazi wikitegererezo.
Knowless tukwifurije amahirwe kandi ibyo wageraho byose urabikwiye kuko warabikoreye gusa natwe tukuri inyuma muri byose......
Imana ibigufashemo ndetse natwe umuryango wawe turahari!!!