Knowless mu irushanwa ryigeze kwitabirwa na Michael Jackson
Umunyarwandakazi Butera Jeanne d’Arc uzwi nka Knowless wegukanye PGGSS5 yashyizwe ku rutonde rw’abazitabira Kora Award 2016.
Kora Awards ni irushanwa ry’abanyamuzika bo muri Afurika kuko ari ryo rihemba amafaranga menshi. Umuhanzi w’umwaka muri iryo rushanwa ahembwa miliyoni y’amadolari y’Amerika.
Iri rushanwa ryanitabiriwe n’igihangange Michael Jackson mu 1991 akanaryegukana, Knowless ni we Munyarwandakazi rukumbi washyizwe ku rutonde rw’abanzi b’igitsina gore bazaryitabira baturutse muri Afurika y’Iburasirazuba.
Indirimbo akesha kujya muri rushanwa risumba ayandi ku mugabane w’Afurika ngo akaba ari iyitwa "Peke yangu" yakoze mu rurimi rw’Igiswahili.
Rizasozwa ku wa 20 Werurwe 2016 i Windhoek muri Namibiya ari na bwo bazatanga ibihembo ku bazaba bitwaye neza mu byiciro bitandukanye ndetse no ku muhanzi w’umwaka muri Afurika.
Butera Knowless ahanganye n’ibyamamare nka Juliana Kanyomozi wo muri Uganda mu ndirimbo ye “Woman”, Vanessa Mdee wo mu gihugu cya Tanzaniya mu ndirimbo ye “Nobody but me” yafatanyije na KO, Victoria Kimani wo muri Kenya mu ndirimbo ye “Two of Dem”, Irene Ntale wo muri Uganda mu ndirimbo ye “Kabugo” ndetse na Avril Nyambura wo muri Kenya mu ndirimbo ye “Hello Baby”.
Si ubwa mbere Umunyarwanda yahatanira ibi bihembo kuko mu mwaka wa 2012, Tonzi na Sacha Kat bitabiriye iri rushanwa.
Tonzi yari yatwawemo n’indirimbo ye “Shima Imana” yari yashyizwe mu cyiciro cy’indirimbo zihimbaza Imana naho Sacha Kat we mu ndirimbo ye “Nsobanurira” yari yashyizwe mu cyiciro cy’Abahanzi bakizamuka”.
Umuhanzi Jean Paul Samputu we yabashije kwegukana igihembo cya Kora Awards mu mwaka wa 2003 mu cyiciro cy’indirimbo z’Umuco ku ndirimbo ye Nyaruguru.
Uretse umuhanzi w’umwaka uhabwa miliyoni y’amadolari, uwegukanye icyiciro agahabwa ibihumbi 50$.
Ibitekerezo ( 17 )
Ohereza igitekerezo
|
Ibinibyo Dushaka Nkabanyarwanda Kuko Bitwerekako Abanyarwandakazi Nabo Bashoboye Knowles Tukurinyuma
N’ubundi uragisanganywe ntawe mukiburana humura name kiriya kizakuzaho
Nukuri nk’abanyarwanda twishimiye kuba wagiye kurutonde none tukwifurije amahirwe n’umugisha uzabe uwambere
navuze ngo Imana izagufashe uryegukane
Imana izaband nawe muri iri rushanwa naryo uzaryegukane nshuti.
tukurinyu nki ntwarane bikoreneza turikubwe mberhose warurihe
knowless always knowless umuhanzikazi nyarwanda ukomeje kwerekana ko ashoboye nibitaribyo bitaramo yarabyitabiriye mureke tumushyigikire naho ubundi ntakabuza icyo gikombe cyizacyurwa mu rwagasabo congs to knowless she deserve the crown!!!
knowless always knowless umuhanzikazi nyarwanda ukomeje kwerekana ko ashoboye nibitaribyo bitaramo yarabyitabiriye mureke tumushyigikire naho ubundi ntakabuza icyo gikombe cyiza cyurwa mu rwagasabo congs to knowless she deserve the crown!
bravo kuri Knowles umunyarwarwandakazi udasanzwe tukuri inyuma
Imana yagutambukije mubyahise ikubehafi natwe tukurinyuma abomwabyirukanye
Courage intwarane nkuru natwe tukurinyuma nkibisanze
Knoless peace turagushigikiye komezutsinde