Mu kiganiro gito twagiranye, yagize ati: “Kuba ntarashoboye kuba mu bahanzi 11 nabyakiriye neza nta kibazo kuko nziko nyine turi abahanzi benshi bityo kutaba mu bahanzi 11 narabyakiriye kuko turi abahanzi barenze 20 kandi bakoze neza...”.

Young Grace umwaka ushize ubwo yari ari muri PGGSS 2.

Yakomeje asobanura ko mu marushanwa habaho abatsinda n’abadatsinda. Ati “Ntabwo nabyita kudakora cyangwa se gusubira inyuma mu muziki ahubwo nabyita amahirwe abagiyemo bagize nk’uko nanjye ubushize nari nagize ayo mahirwe mu gihe hari abandi batari bayagize...”.

Young Grace kandi yadutangarije ko kuba ataragaragaye muri PGGSS3 bitamuciye intege, kandi ko azakomeza kugeza ku bakunzi be indirimbo nshya kandi zibaryoheye.

Yashoje ikiganiro twagiranye atura abakunzi be indirimbo ye aherutse gukora yise “Like a boy” ikaba ari indirimbo igaragaza uburyo umwana w’umukobwa nawe ashoboye imirimo yose abahungu bakora.

Young Grace mu ndirimbo ye nshya Like a Boy.

Aranashishikariza abakobwa kutitinya, bagire imbaraga zo gushyira mu bikorwa inzozi zabo.

Aranabatura amashusho (Video) y’iyi ndirimbo “Like a boy” aherutse gushyira hanze kuri uyu wa gatanu tariki 15/03/2013 ngo abashimishe.

Marie Clemence CYIZA UWIMANIMPAYE