Uru rotonde rwashyizwe ahagaragara na Bralirwa umuterankunga w’iri rushanwa ifatanije na EAP ( Est African Promoter) iritegura, nyuma y’uko abahanzi 25 bari batowe n’ikipe y’abanyamakuru, aba Djs, aba producers n’ abandi bakurikiranira hafi muzika Nyarwanda, bari basabwe kugaragaza ibikorwa bakoze kuva mu mwaka wa 2011 kugeza mu wa 2014.

Abahanzi 10 b’ abagabo bagaragara kuri Uru rutonde ni :
1. Active

Active yakomeje umuhanzikazi Momo arasigara.

2. Bruce Melody

Dany Vumbi yasigaye Senderi na Bruce Melody barakomeze

3. Bulldog

Bull Dog na Nasson nabo bakomeje muri 15.

4. Dany Na None

Dany na None na we ari mu bakomeje.

5. Dream Boys

Dream Boys na Urban Boys bakomeje na bo.

6. Eric Senderi

7. Jules Sentore
8. Social Mula

Social Mulah yakomeje, Charlie ukorana na Ninah barasigara.

9. Naason

Nasson na Bull Dog na bo barimo.

10. Urban Boys

Urban Boys na bo barahari.

Abahanzikazi batanu bakomeje

1. Jody

Jody ari mu bahanzikazi bazitabira PGGSSV.

2. Knowless

Knowless na we azongera yitabire iri rushanwa ku nshuro yaryo ya gatanu.

3. Paccy

4. Queencha

Paccy na Queen Cha bari mu bahanzikazi batanu bazakomeza.

5. Young Grace

Mu bahanzi bari bagaragaye ku rutonde rwa 25 ba mbere, batabashije gukomeza harimo umuhanzi Christopher wari wabashije kwegukana umwanya wa kane mu irushanwa riheruka, hakagaragaramo kandi Dany Vumbi muri iyi minsi ufite indirimbo ‘Ni danger’ iyoboye izindi mu gukundwa, Rafiki witabiriye iri rushanwa ubwo ryatangizwaga ku nshuro ya mbere, Mico The Best wabashije kwitabira iri rushanwa ku nshuro yaryo ya gatatu akanegukana umwanya wa gatanu, ndetse na TNP.

Rafiki, Umwami wa Coga Style, yasigaye.

Mico the Best, n’ubwo muri PGGSS IV yegukamue umwanya wa gatatu, we na Dany Vumbi basigaye.

Mu bahanzikazi batabashije gukomeza muri 15 harimo Diana Teta waherukaga mu irushanwa ry’umwaka ushize, Allioni, Ciney, Momo ndetse na Charly ukorana muzika na mugenzi we Nina.

Ciney yasigaye Young Grace arakomeza.

Ubuyobozi bwa BRALIRWA, bushyira ahagaragara aba bahanzi 15, bwavuze ko aba bahanzi bakomeje mu cyiciro gikurikiyeho batoranyijwe hashingiwe kuba aribo bari imbere y’abandi mu bikorwa, nk’ uko byari byatangajwe mu kiganiro n’abanyamakuru.

Iri genzurwa ry’ibikorwa bavuze ko nta marangamutima cyangwa se kubogama byabayemo kuko, ryarakozwe n’ikigo cya PWC (Price Waterhouse Coopers) na Bralirwa ku bufatanye na EAP hamwe na RMC.

Iryo ngenzura rikaba ryarashingiraga kuba byibuze umuhanzi afite indirimbo imwe y’amajwi hamwe n’amashusho yakoze mu mwaka wa 2014.

Hejuru y’ibi akaba afite indirimbo byibuze eshatu z’amashusho yakoze kuva mu 2011 kugeza mu 2013 hamwe n’indirimbo eshanu z’amajwi na zo yakoze muri icyo gihe.

Aba bahanzi 15 bakomeje na bo urugendo rwabo ruracyari rurerure kuko bagiye guhita batangira imyiteguro ikomeye y’ibitaramo ku buryo bwa live biteganyijwe tariki ya 07/03/2015.

Nyuma y’icyo gitaramo ni bwo hazamenyekana urutonde ntakuka rw’abahanzi icumi bazinjira mu buryo ntakuka muri iri rushanwa, bakazaba bagizwe n’ abahanzi umunani b’igitsina gabo hamwe n’abandi babiri b’igitsina gore.

Roger Marc Rutindukanamurego