Uyu muhanzi akigera ku rubyiniro yatunguwe no kubona ukuntu Abanyamuhanga bakonje kandi batanamuzi cyane ko bamwe bari batangiye no kumwitiranya na Eric Senderi.

Sgt Robert aririmba indirimbo ya mbere yabuze abamufasha.

Sgt Robert yarangije kuririmba indirimbo ye ya mbere abantu nta bushyuhe ndetse n’ibyishimo abantu babonye dore ko indirimbo yabanjirijeho ari iyavugaga ku mibanire y’umugabo n’umugore mu muryango kuko yari ihuye n’insanganyamatsiko.

Ubwo uyu muhanzi yongeraga gusabwa kuririmbira imbaga yari iteraniye aho yashyizeho indirimbo “Impanda” yamenyekanye cyane ndetse benshi bakaba ariyo bamumenyeyeho.

Sgt Robert aririmba indirimbo "impanda" abatari bake bahimbawe abandi bemeza ko buzuye umwuka.

Abo hanze bareba uwo muhanzi.

Akiririmba iyi ndirimo ifite ubutumwa benshi bita ko buteye ubwoba kuko ivuga abakoze nabi ku gihe cy’imperuka uko bazaba bameze ndetse n’abakoze neza uko bazagororerwa nibwo abaturage bamenye mu byukuri umuhanzi wabataramiye uwo ariwe bamufasha kuririmba iyo ndirimbo.

Abandi bahanzi basanzwe bashaka ababafasha kuririmba cyangwa kubyinira ku rubyiniro, ariko aha Sgt Robert akimara kuririmba iyi ndirimbo, yahise abona imbaga y’abantu bamufasha kuririmba no kubyina iyi ndirimbo bamusanze ku rubyiniro (stage).

Abayobozi nabo bakunze umuhanzi barahaguruka.

Muri aba bamusanze akaba atari urubyiruko gusa nk’uko bimenyerewe ku bandi bahanzi ahubwo we yayobotswe n’imbaga y’abakecuru, abasaza, abagore, abagabo n’abandi.

Iyi ndirimbo yamufashije gukurura neza imbaga yari iraho kuko basigaye bafite amatsiko yo kumva izindi ndirimbo agiye kubaha. Izindi zose zakurikiye “Impanda” yaziririmbanye morale nyinshi ku bw’abayoboke yari amaze kwikururira.

Gerard GITOLI Mbabazi