Yagize ati: “...nzigisha urubyiruko, nzishyurira urubyiruko 100 rutabonye ubushobozi bwo gukomeza amashuri nkabigisha amategeko y’imihanda kuri buri site ni ukuvuga ngo urubyiruko rudafite akazi ngiye kurwigisha kwigira kugira ngo rubone akazi...”.

Senderi mu gitaramo cya Guma Guma.

Yakomeje adutangariza ko aho baririmbiye hose ndetse n’ahandi bazaririmbira azahakora club yitwa Senderi Fan Club ari naho bazajya bigira ibijyanye n’amategeko y’umuhanda.

Yadutangarije ko abakunzi be basanzwe bigisha imyuga bamwemereye kwakira urubyiruko 100 kuri buri site, abo akaba ari nabo bazamufasha kwigisha urwo rubyiruko.

Senderi International Hit.

Akarusho muri uko kwigisha imodoka mu mujyi wa Kigali, ngo ni uko ari abakobwa gusa azigisha.Aba bakobwa ngo bazaba bari mu ma Fan Clubs abiri: iya Nyamirambo n’iya Remera.

Gusa n’ubwo Senderi yemereye aba bose kubigisha amategeko y’umuhanda, ngo barasabwa kubanza kumwamamaza kuko naramuka adatowe ibi byose ntibizakorwa.

Eric Senderi hano yari yajyanye n’ikipe ya Rayon Sport i Nyanza.

Ibi Senderi abitangaje nyuma yo gutangaza ko azagura abakinnyi babiri ba Rayon Sport naramuka atsindiye igihembo cya PGGSS 3, ndetse ko azashakira abagabo abakobwa bababuze bazamutora n’ibindi.

Marie Clemence CYIZA UWIMANIMPAYE