Nyuma y’igihe gito abitangaje, ku cyumweru tariki 16/12/2012, Lil G yagize ati: “biriya mvuga ntabwo ari ibyambayeho n’ubwo bamwe ariko babitekereza, njye narebye ibintu bisanzwe bibaho mu buzima, ubundi iyo wahemukiye uwo ukunda uba ugomba kumusaba imbabazi…”

Mu ndirimbo ye “Imbabazi” Lil G agira ati: “Mu buzima tubamo habamo kubabazanya ariko icya mbere burya ni imbabazi. Nibuka umunsi wa mbere twe duhura…mu by’ukuri njyewe ntabwo numvaga ko nzakubura…

Sinumvaga mu buzima ko nakubabaza kuko nari mfite ubwoba ko nagutakaza, gusa amatage ntawe uyakurura araza ubu inshuti n’abavandimwe nibo bakumbaza.

Ingaruka zo kukubura ubu nizo zimpana, ndicara nkibuka cyera kuva mu bwana ubwo twatekerezaga ko ntagutana ndasaba imbabazi kuri wowe no ku Mana”.

Mani Martin ari nawe uririmba inyikirizo we agira ati: “Ni kuki wibagiwe isezerano vuba ukansigira irungu n’amajune? ndemera ko nafuditse ndanagusaba imbabazi niwicara ugakumbura uzampe imbabazi”.

Iyi ndirimbo “Imbabazi” ya Lil G yakozwe na Producer Davydenko ari nawe usanzwe amukorera indirimbo.

Marie Clemence CYIZA UWIMANIMPAYE