Kabaganza Liliane yagiye mu gitaramo i Bujumbura

3-05-2013 - 16:56' | Ibitekerezo ( )

Liliane Kabaganza uzwi cyane mu ndirimbo zihimbaza Imana akaba anazwiho ubuhanga n’ijwi ryiza cyane, ku mugoroba wo kuri uyu wa kane tariki 02/05/2013 yafashe indege yerekeza i Bujumbura mu gitaramo yatumiwemo.

Igitaramo Liliane Kabaganza yitabiriye kirabera ku rusengero rwa Zion Temple aho mu Burundi ari nayo yagiteguye; nk’uko twabitangarijwe na Patrick Kanyamibwa, umunyamakuru ku Isango Star.

Kuri gahunda hari ko Liliane aririmba kuri uyu wa gatanu tariki 03/05/2013 ndetse no ku cyumweru tariki 05/05/2013 maze akazagaruka i Kigali ku wa mbere tariki 06/05/2013.

Liliane ni umwe mu bahanzi bakunze kwegukana ibihembo binyuranye mu ruhando rw’abahanzi baririmba indirimbo zihimbaza Imana. Bimwe muri ibyo bihembo harimo n’icya Salax Awards ushize.

Marie Clemence CYIZA UWIMANIMPAYE