Mu kiganiro twagiranye ubwo basuraga Kigalitoday, igitaramo bateguye kigamije gukuza no kuzamura abana basigasira umuco wacu.

Bagize bati: “Ni igitaramo cyitwa “Umwana ni nk’undi, umwana ni umutware”.
Kizibanda cyane ku bana, kugira ngo turusheho kubakuza cyangwa se kubazamura mu myaka n’igihagararo basigasira umuco wacu dukunda cyane, umuco nyarwanda.

Kikazaba ku itariki ya 23 Ukuboza 2015 guhera ku isaha ya saa kumi n’imwe n’igice z’umugoroba, kuri Kigali Serena Hotel”

Muri iki gitaramo, iri torero ryiteguye kugaragaza ibikubiye mubutumwa bageneye imiryango babinyujije mu ndirimbo n’imbyino gakondo ndetse n’indi myiyereko. Muri iki gitaramo kandi hazaba harimo ibihozo n’udukino dutandukanye by’abana hakaba hari n’umubare munini w’abana bazabyina.

Iki gitaramo kizatangira ku isaha ya saa kumi n’imwe n’igie z’umugoroba aho kwinjira bizaba ari amafaranga y’u Rwanda 10000 mu myanya y’icyubahiro na 5000 ahandi.

Itorero Intayoberana rikorera i Nyamirambo ku ishuri rya Mutagatifu Andereya (St André) ari naho bakorera imyitozo. Ni itorero rimaze umwaka hafi n’igice ritangiye, ariko rikaba rimaze kwesa imihigo myinshyi mu buryo bugaragara.