KT TV
Amateka ya Kapiteni Nsengiyumva Bernard waririmbye ‘Adela Mukasine’
Kapiteni Bernard Nsengiyumva yari umuhanzi n’umucuranzi w’umuhanga waririmbye mu matsinda (orchestres) atandukanye, akagira n’indirimbo ze bwite zirimo: Adela Mukasine, Inderabuzima, Umubyeyi utwite, n’izindi yagiye ahimba mu rwego rwa gahunda z’ibikorwa by’igihugu.
Amatsinda yaririmbyemo ni Les Copains na Umubano, by’umwihariko akaba yari n’umusirikare mu ngabo z’u Rwanda mbere ya 1994, ari na yo mpamvu yamenyekanye nka Kapiteni (Capitaine) ipeti yari afite mu gisirikare kugeza atabarutse mu 1984.
Nyakwigendera Kapiteni Nsengiyumva Bernard, yasize umugore n’abana barimo Nsengiyumva Tumushime Gloria wa gatatu mu bana batandatu (abakobwa batatu n’abahungu batatu).
Tumushime yatubereye umutumirwa mu kiganiro ‘Nyiringanzo’ kuri KT Radio hamwe na Bisangwa Nganji Benjamin, atuganirira birambuye kuri Kapiteni (Cpt) Nsengiyumva Bernard, anatubwira imvo n’imvano y’indirimbo ‘Adela Mukasine’, imwe mu zikunzwe cyane.
Bikurikire muri iki kiganiro:
Ibitekerezo ( 6 )
Ohereza igitekerezo
|
|
Uyu Capt NSENGIYUMVA Bernard nibyo yari umuhanzi w’umuhanga utazibagirana, nibyo Bourse ye yahawe abandi ndetse n’urupfu rwe ndaruzi nari mukuru yashyiraga mu gaciro akanga umuvogera kandi akaba akunzwe cyane n’abasirikare bo hasi ari nacyo cyahangayikishije abayobozi bakuru b’ingabo no kubera akarengane yakorerwaga ari umuhanga ku buryo niyo mpanuka yateguwe byaranavuzwe cyane RIP Capt NSENGIYUMVA Bernard alias LINGO
Murakoze cyane. Gusa ndumva inkuru itarangiye muzongereho Andi makuru
Ben Nganji turabashimiye. Muzadushakire na Nkurunziza François, mumuganirize. Uyu murage gakondo w’izi ndanguruzi zawo dukomeze tuwusigasire. "Utazi iyo ava, ntamenya iyo ajya".
Uyu mugabo yali akuriye Compagnie Musique mu gisirikare cya kera.Yacuranze indirimbo nyinshi z’ishyaka rya MRND.
Nishimiye ko yali umuganza w’iwacu.Ariko mbabajwe nuko yapfuye akiri muto,afite imyaka 37.
Turabashimira ku kazi mukora! Ntimuhwema kudushakira amakuru n’amatek kubahanzi nyarwanda ! Nimukomereze aho kuko tuhungukira byinshi kuko akenshi usanga wakundaga indirimbo ariko Wenda ntumenye neza nyirayo iyo rero muduhayr amakuru turanyurwa
Murakoze mukomereze aho
Turabashimira uburyo mudahwema kudushakira amakuru n’mateka kubahanzi bacu! Muratunezeza rwose, kuko mutwungura byinshi
Tumaze kumenya byinshi byaranze abahanzi bacu.