Ally Soudy, umugore we n’umwana wabo bagiye gutura muri Leta Zunze Ubumwe za Amerika kubera ko umugore we yatsindiye uburenganzira bwo kuba muri Amerika we n’umuryango we (Green Card).

Muri ibi birori byo gusezera ku nshuti n’abavandimwe habayeho no guhemba uyu muryango wa Ally Soudy na Carine kubw’imfura yabo bibarutse Umwiza Ally Waris.

Ally Soudy n’umugore we n’umwana wabo.

Ibi birori byagaragayemo abantu benshi batandukanye bazwi cyane muri Showbiz harimo abahanzi ndetse n’abanyamakuru benshi.

Ally Soudy Uwizeye ni umunyamakuru kuri Radiyo Isango Star. Ni umwe mu banyamakuru bateje cyane imbere uruhando rwa muzika hano mu Rwanda.

Yamenyekanye cyane mu kiganiro Sunday Night cyo kuri Isango Star akaba kandi ari n’umwe mu bashinze Ikirezi Group gifite website ya www.ikirezi.rw ndetse akaba ari nabo bategura amarushanwa ya Salax Awards.

Uwizeye Ally Soudy yashakanye na Umwiza Carine Rosalie babyarana umukobwa w’imfura witwa Umwiza Ally Waris.

Marie Clemence CYIZA UWIMANIMPAYE