Abitabiriye igitaramo cya The Ben bagaragaje ibyishimo

The Ben yataramiye Abanyarwanda mu gitaramo cyitwa East African Party, cyabaye ku cyumweru tariki ya 01 Mutarama 2017.

Icyo gitaramo yagikoze nyuma y’imyaka itandatu yari ishize ataba mu Rwanda kuko yavuye mu Rwanda mu mwaka wa 2010.

Yaririmbye indirimbo zitandukanye zirimo izo yashyize hanze akiri mu Rwanda ndetse n’izo yasohoye amaze kugera muri Amerika, zikunzwe n’abatari bake mu Rwanda.

Izo ndirimbo zose yaziririmbye mu buryo bw’imbona nkumve (Live) mu gihe kirenga isaha, ibintu bitamenyerewe muri muzika Nyarwanda.

Kuva ku ndirimbo ya mbere kugera ku yanyuma wabona abitabiriye icyo gitaramo bamwenyura, bamwe bashyira amaboko hejuru abandi bo bafite za telefone zabo bafatama amafoto n’amavideo, bizabera urwibutso.

The Ben yataramiye Abanyarwanda bataha bishimye

Bamwe mu bakunzi b’umuziki nyarwanda bahamya ko icyo gitaramo The Ben yakoze ari icy’amateka, kigaragaza ko muzika nyarwanda imaze gutera intambwe ijya imbere.

Kubera ibyishimo, The Ben yongeye kugaragaza amarangamutima maze ararira. Bamwe mu bakunzi be nabo ntibabasha kubyakira nabo basuka amarira.

Igitaramo cya The Ben cyitabiriwe n’abantu ibihumbi n’ibihumbi

The Ben yashimiye Abanyarwanda ndetse n’u Rwanda muri rusange akurikije uburyo yakiriwe n’uburyo abantu ibihumbi n’ibihumbi bitabiriye igitaramo cye.

Yataramye ari kumwe n’abandi baririmbyi nka Bruce Molodie, Charly na Nina, Yvan Buravan n’abandi batandukanye bakoranye indirimo barimo Tom Close.

Andi mafoto yaranze igitaramo cya The Ben

Umuririmbyi Bruce Melodie nawe yasusurukije abitabiriye igitaramo cya The Ben

Charly na Nina nabo baririmbiye abitabiriye icyo gitaramo

The Ben na Tom Close bari kuririmbana

Kanda hano urebe andi mafoto menshi

Amafoto: Muzogeye Plaisir

MENYA UMWANDITSI

KT Editorial

Abanyamakuru ba Kigali Today

@ kigalitoday

Reba inkuru zose nanditse ( 2941 )