Kuwa mbere tariki 19/11/2012 yari ageze Londres mu Bwongereza aho yakoreye igitaramo cya gatandatu ahitwa Kentish Town Forum, akanahagurishiriza album ye yitwa ’Unapologetic’.

Igitaramo cyatangiranye ibakwe ryinshi n’ibyishimo ari byose mu bakunzi be, ariko atangiye indirimbo ye yitwa ’Where Have You Been’ ahita ahagarara nyuma y’uko hari habaye ubwumvikane buke hagati ye n’abacuranzi be babaye nk’abacecekesheje ibyuma atangiye kuririmba.

Rihanna yahise abahindukirana agira ati: ’’What the f**k is that? Why is the track off with the band? This is the s**t’’. Umuntu agenekereje mu Kinyarwanda cyiyubashye yagize ati: “Ariko se muri mu biki? Kuki indirimbo icecetse? Si mbyumva rwose!”

Rihanna mu gitaramo i Londres.

Ku mugoroba wo kuwa mbere Rihanna yari yaciwe amande y’ama pound 200.000 kubera indege ye yari yatinze guhaguruka ku kibuga kandi bari bayihaye uruhushya rwo guhagaruka inshuro zirenze imwe.

Rihanna ageze aho yagombaga gucurangira hitwa Westfield shopping centre mu mujyi wa Stratford, mu burasirazuba bwa Londres, yhawe sheki (cheque) y’ama pound 500.000 kubera ko yakije urumuri rwa Noheli mu mujyi wa Londrea, gusa yatengushye abafana be kuko yaririmbye indirimbo imwe rukumbi.

Umunsi n’ubusanzwe wari watangiye nabi, aho abanyamakuru bari bamuherekeje mu ndege ye yamuzengurutsaga mu bitaramo bya 777 batangiye kurambirwa kubera ko atabahaga umwanya uhagije wo kuganira nabo. Harimo ndetse n’umunyamakuru w’umunya Australia warutse mu ndege ubwo bavaga Berlin mu Budage berekeza mu Bwongereza.

Umwanditsi Mukuru w’ikinyamakuru US Weekly, Ian Drew, nawe uherekeje Rihanna mu bitaramo bye aragira ati: Ibibazo byatangiye indege ikimara guhaguruka. Byatangiye ubwo umwe mu bakozi bo mu ndege ya Rihanna yagiye yirukanka gufunga umuryango w’inyuma bari bibagiwe gukinga kandi indege itangiye guhaguruka.

Rihanna.

Ian Drew akomeza agira ati ibumoso bwanjye, nagiye kumva numva abantu bamwe batangiye guteza akavuyo baririmba indirimbo ya Rihanna yitwa ’What’s My Name’ bagera hagati bakaririmbamo izina rye ’Rihanna’ aho kuvuga ngo ’Hey Na Na’ nk’uko abivuga mu ndirimbo ye.

Abanyamakuru nabo bari bicaye ahabagenewe bahise bungamo bavugira hejuru basubiramo izina rya ‘Rihanna’ kugira ngo barebe ko yakwemera akaza aho bari. (Abanyamakuru benshi bari mu ndege ye bari bakomeje kwidoga ko umuhanzikazi Rihanna yanze kubaha ikiganiro imbona nkubone).

Ian Drew ati: ubwo nagiye kubona nanone mbona umunya Australia w’umu DJ kuri Radio wari urimo kuvuza ikinanda (harmonica) arahagurutse nta kambaro na kamwe kamurangwaho atangira guceza abari mu ndege birabacanga!

Ibitaramo bya Rihanna yise ’777’ yabisoreje i New York ku mu goroba wo kuwa 20/11/12.

Gasana Marcellin