Aganira n’ikinyamakuru W Magazine, Jennifer w’imyaka 43 yatangaje ko afite imyaka 18 yanze gukomeza amashuri ngo ajye muri kaminuza kuko yiyumvagamo impano yo kuririmba no kubyina, bibabaza nyina cyane ntibabivugaho rumwe.

Jennifer Lopez agira ati: “Mama nanjye twagiranye ikibazo. Sinashaka kujya kwiga kaminuza; njye nashaka kwitoza kubyina igihe cyose.”

Uyu muhanzi yongeraho ko byabaye intandaro yo gutandukana na nyina, akarara mu ntebe muri situdiyo imwe yitorezagamo kubyina ariko ntiyacika intege kuko yumvaga ari byo yahisemo mu buzima bwe.

Nyuma y’igihe gito, ubuhanga mu kubyina yagaragazaga byamuheshe ikiraka cyo kubyina mu itsinda ry’i Burayi. Agarutse ku mugabane w’Amerika, yabonye akazi ko kuba umunyamakuru uyobora ikiganiro cyitwa Living color.

Jennifer Lopez yavutse tariki 24 Nyakanga 1969 ahitwa Castle Hill mu Mujyi wa New York muri Amerika. Kuva mu mwaka wa 1997, uyu muhanzikazi ufite uburanga bukurura abagabo benshi yashatse abagabo inshuro eshatu batandukana.

Jennifer Lopez yasohoye alubumu zakunzwe cyane muri Amerika zirimo nka On the 6, Love? na Rebirth n’izindi.

Nshimiyimana Leonard