Iryo jambo ntirijya ryandikwa ryose uko ryakabaye kuko ritemewe gukoreshwa haba mu nyandiko yemwe no ku mateleviziyo muri Amerika. N’iyo hagize umuntu urikoresha bafite ikoranabuhanga riricamo kabili ntiryumvikane neza keretse gusa muri film no mu ndirimbo za rap.

Samuel L. Jackson rero ubwo yari mu gitaramo kigenewe abantu badidimanga kibera mu kigo cyitwa American Institute for Stuttering ku mugoroba w’ejo (05-06-2013), yavuze ko yatangiye kuvuga iryo jambo kuva kera akiri umwana iwabo muri Leta ya Tennessee kubera impamvu yo kudidimanga.

Samuel L Jackson, umukinnyi wa film muri Hollywood.

Abanyamerika benshi bari bazi ko Samuel akunda kuvuga iryo jambo nta yindi mpamvu, ariko we ubwe yabasobanuriye ko kuva kera byibuze agomba kurivuga buri munsi kuko rituma abasha kuvuga atadidimanga.

Mu kiganiro na New York Magazine Samuel L Jackson yivugiye ko iryo jambo ‘motherf…ker’ aritambika mu mvugo buri kanya uko agiye kuvuga kuko rituma atadidimanga. Ngo iyo aza gukomeza kudidimanga ntacyo yari kugeraho nk’umukinnyi wa film.

Samuel L Jackson asoza avuga ko ijambo ‘motherf…ker’ atakirifata nk’igitutsi ahubwo ngo ni ijambo risobanura icyizere.

Gasana Marcellin