Shampiona y’icyiciro cya kabiri mu Rwanda iraza gukomeza kuri uyu wa Gatatu, aho amakipe aza kuba akina imikino ya 1/2 yo kwishyura, maze izibasha gutsindira kwerekeza ku mukino wa nyuma zikaza no guhita zibona itike yo kwerekeza mu cyiciro cya mbere mu mupira w’amaguru.

Mu mikino ibiri itegerejwe, hari uza kubera i Ngoma, ugahuza ikipe ya Etoile de l’Est na Kirehe, aho umukino ubanza wari warangiye Kirehe Fc itsinze Etoile de l’Est ibitego 2-0mu mukino waranzwe n’imvururu nyinshi.

Undi mukino uteganijwe, uraza guhuza ikipe ya Pepiniere, aho iza kuba yakiriwe n’ikipe ya Interforce, amakipe yombi yari yanganyije 0-0 mu mukino ubanza wabereye i Muhanga, uyu mukino ukaba uza kubera ku kibuga cya Ferwafa ku i Saa munani n’igice.

Uko imikino ya 1/4 yari yagenze

Imikino ibanza yabaye taliki ya 24 Nyakanga 2016
Kirehe Fc 1-1 Vision Fc 
Sorwathe Fc 1-2 Pepiniere Fc
Interforce Fc 2-1 Vision JN 
United Stars 1-1 Etoile de l’est

Imikino yo kwishyura yabaye Taliki ya 27 Nyakanga 2016

Vision Fc 3-3 Kirehe Fc (Hakomeje Kirehe kubera igitego cyo hanze)
Pepiniere Fc 3-0 Sorwathe Fc
Vision JN 0-1 Interforce Fc
Etoile de l’est 0-0 United Stars Fc ( Etoile de l’est yakomeje kubera igitego cyo hanze)