Kuri uyu wa 20 Werurwe 2015, binyuze muri Tombola ni bwo amakipe 8 yageze muri ¼ cy’irangiza mu mikino ihuza amakipe yabaye aya mbere ku mugabane w’Uburayi (UEFA Champions league ) yamenye uko azahura.

Ayo makipe 8 arimo FC Barcelone yo muri Espagne, Juventus yo mu Butaliyani,Bayern Munchen yo mu Budage,Monaco yo mu Bufaransa,Atletico Madrid yo muri Espagne,Paris Saint Germain yo mu Bufaransa, Real Madrid yo muri Espagne ndetse na FC Porto yo muri Portugal niy o yageze muri ¼ cy’irangiza nyuma yo gukuramo ayo byari bihanganye.

Nyuma ya Tombola yabaye kuri uyu wa 20 Werurwe 2015, amakipe akazahurira muri ¼ ku buryo bukurikira:

Imikino ibanza

14/04/2014 - Athletico Madrid vs Real Madrid,
Juventus vs Monaco

15/04/2015 - PSG vs Barcelona,
Porto vs Bayern Munich

Imikino yo kwishyura

21/04/2015 - Barcelona vs Paris Saint Germain
Bayern Munich vs Porto

22/04/2015 - Real Madrid vs Athletico Madrid,
Monaco vs Juventus

Muri iyi tombola imikino itegerejwe n’abantu benshi akaba ari umukino uzahuza ikipe ya FC Barcelone na Paris St Germain ndetse n’uzahuza abakeba bo mu Mujyi wa Madrid ari bo Real Madrid n’Athletico Madrid ndetse n’uzahuza Paris Saint-Germain na FC Barcelona

FC Barcelone na PSG

•Paris st Germain yasezereye ikipe ya Chelsea nyuma yo kunganya 1-1 mu bufaransa no kunganya 2-2 mu bwongereza maze Paris st Germain igakomeza hashingiwe ku mubare w’ibitego byinshi yatsindiye hanze.

•Barcelona yakomeje nyuma yo gusezera Manchester City iyitsinze 2-1 mu mukino ubanza na 1-0 mu mukino wo kwishyura.

•Aya makipe yombi yari mu itsinda rimwe aho umukino ubanza PSG yatsinze FC Barcelona 3-2 naho mu wo kwishyura FC Barcelona igatsinda PSG 3-1.

•Ni ubwa 3 aya makipe ahuriye muri ¼ aho muri 1995 PSG yasezereye Fc Barcelona naho muri 2013 Fc Barcelona nayo isezerera PSG.

•Muri iri rushanwa ry’uyu mwaka Edinson Cavani wa PSG amaze gutsinda ibitego 6 mu gihe Lionnel Messi wa Barcelone afite 8.

Real Madrid na Atletico Madrid

•Muri iyi saison y’imikino aya makipe amaze guhura inshuro 6 mu gihe Real Madrid itaratsinda mo n’umwe aho Atletico Madrid yatsinze mo ine banganya 2.

•Aya makipe muri iki gikombe niyo yari yahuriye ku mukino wa nyuma umwaka ushize aho cyatwawe Real Madrid itsinze Atletico Madrid ibitego 4-1.

•Mu myaka 10 ishize, buri mwaka byibuze haboneka ikipe imwe muri ¼ cy’iyi mikino.
•Muri iyi mikino y’uyu mwaka Mario Madzukic wa Atletico Madrid afite ibitego 5 mu gihe Cristiano Ronaldo wa Real Madrid afite 8.

Umukino wa nyuma w’iyi mikino ukaba uzabera Olympiastadion mu mujyi wa Berlin mu gihugu cy’Ubudage tariki 06/06/2015

Sammy Imanishimwe