Ibifashijwemo by’umwihariko na ba rutahizamu bakomoka hanze y’u Rwanda,Rayon Sports itozwa na Massudi Djuma,yaje kurusha ku buryo bugaragara ikipe ya Marines,maze umukino urangira iyitsinze ibitego 3-0.

Mbere y’uko uyu mukino utangira,amakipe yombi ndetse n’abafana babanje gufata umunota wo kwibuka inzirakarengane zazize Jenoside yakorewe abatutsi mu mwaka wa 1994.

Ku munota gusa wa kane w’umukino ikipe ya Rayon Sports yaje guhita ibona igitego cya mbere ku mupira wari uviuye muri koruneri,maze Davis Kasirye ahita atsinda igitego cy’umutwe,maze nyuma y’iminota mike gusa guhita atsinda ikindi gitego cya kabiri.

Ikipe ya Rayon Sports yakomeje kurusha ikipe ya Marines guhererakanya umupira mu kibuga ndetse no gusatira cyane,maze ku mupira wari uturutse kuri Manishimwe Djabel,Ismaira Diarra ukomoka mu gihugu cya Mali aza gutsinda igitego cya gatatu,ari nako igice cya mbere cyaje kurangira,ndetse n’umupira urangira ari bitatu bya Rayon Sports ku busa bwa Marines.

Mu yindi mikino yabaye Mukura yatsinzwe na Police 1-0,Rwamagana inganya As Kigali 0-0,naho Musanze itsindwa na Sunrise 1-0

Amakipe yabanjemo

Rayon Sports:Ndayishimiye Eric Bakame,Manzi Thierry,Niyonkuru Djuma Radju,Munezero Fiston,Imanishimwe Emmanuel,Niyonzima Olivier Sefu,Manishimwe Djabel,Nshuti Dominique Savio,Kwizera Pierrot,Davis Kasirye,Ismaila Diarra

Andi mafoto kuri uyu mukino

Urutonde rw’agateganyo

Ikipe	Imikino	Amanota
01 RAYON SPORTS	16	35
02 APR FC	16	34
03 MUKURA VS	16	32
04 POLICE FC	16	31
05 AS KIGALI	16	28
06 KIYOVU SPORTS	16	26
07 GICUMBI FC	16	22
08 SUNRISE FC	16	22
09 BUGESERA FC	16	21
10 AMAGAJU FC	16	19
11 MARINES FC	16	17
12 ESPOIR FC	16	16
13 MUSANZE FC	16	15
14 ETINCELLES FC	16	10
15 RWAMAGANA CITY FC	16	10
16 AS MUHANGA	16	5