Ku masaha y’i saa 12:35’ ni bwo abakinnyi n’abatoza b’iyi kipe bari bageze ku kibuga cy’indege cy’i Kanombe aho bahagurukiye na Rwanda Air ya 13:30’ mu rugendo rwerekeza mu gihugu cya Cameroon gukina umukino wa CAF Confederation Cup.

Umutoza Sosthene agera ku Kibuga cy’indege i Kanombe

James Tubane afite akazi gakomeye ko guhangana na ba rutahizamu ba Panthere

Djihad Bizimana amaze iminsi ari mu bakinnyi bigaragaza mu Rwanda

Hategekimana Aphrodis Kanombe na we yajyanye n’abandi i Ndé!

Peter Otema yitezweho ibitego nyuma y’ibura rya Sina

Abafana babiri ba Rayon Sports bari baje kuyiherekeza

Aganira n’itangazamakuru ku kibuga cy’indege i Kanombe, umutoza w’ikipe ya Rayon Sports Lumumba Sosthene, yatangaje ko bizeye kuzitwara neza nubwo ikipe ye yiganjemo abasore bakiri bato.

“Dufite ikipe ifite abakinnyi batamenyereye amarushanwa, ariko twizeye kuzitwara neza ku mukino wo muri Cameroon”.

“Iyi kipe(ya Panthère du Ndé) tumaze iminsi tuyikurikirana, hari amakuru yayo menshi Gomes(Didier Da Rosa) yatubwiye bityo twizeye kuyikuraho umusaruro mwiza”.

Didier Gomes Da Rosa wahoze atoza Rayon Sports, ubu ni umutoza w’ikipe ya Coton Sports Garoi yo muri Cameroon, ikipe yanatsinze Panthère du Ndé ku mukino wanyuma w’igikombe cy’igihugu cy’umwaka ushize.

Abakinnyi ba Rayon Sports bategereje Rwanda Air kuri uyu wa gatatu

Rutamu Elie Joe ukorera RBA yajyanye n’iyi kipe muri Cameroon

Usengimana Faustin yabanje kumuvugisha bwanyuma mbere yo gufata indege

Kapiteni Fuade areba ku byangombwa bye neza nyuma yo gusuzumwa

Thierry Hitimana ni Team Manager wa Rayon Sports

Fuade n’umutoza we berekana ibyo batwaye i Mahanga..

Ikipe ya Rayon Sports yageze muri ¼ cy’aya marushanwa muri 2002, iramutse isezereye iyi kipe yo muri Cameroon, yazahura na Zamalek yo mu Misiri mu cyiciro gikurikira.

Jah d’eau DUKUZE