Habinshuti Fabrice ubusanzwe uzwi ku izina rya Walouba Cisse avuga ko asanzwe akina mu ikipe ya Zanaco F.C yo mu cyiciro cya mbere muri Zambia, aho akina nk’umukinnyi wo hagati cyangwa rutahizamu.

Habinshuti yaje mu Rwanda muri hagunda ya “ngwino urebe” ariko by’umwihariko akaba yazanywe no kugira ngo arebe uburyo yavugana na bamwe mu batoza b’ikipe y’igihugu kugira ngo azabashe gukinira u Rwanda.

Agira ati “U Rwanda ni igihugu cyanjye kandi ndagikunda, nta mpamvu rero yambuza kugira ngo nzakinire igihugu cyambyaye”.

Uyu musore avuga ko abaho nk’impunzi nyamara ngo ntazi icyo yahunze. Kubera gukina umupira, uyu musore yarangije kubona ubwenegihugu bwa Zambia ariko ngo ntiyifuza gukinira Zambia.

Hari abandi Banyarwanda babaho nk’impunzi muri Zambia bari kuzenguruka u Rwanda kugira ngo birebere aho igihugu kigeze cyiyubaka bashima ibyo bibonera bitandukanye n’ibyo babwirwaga.

Jacques Furaha