KT TV
Manchester City yatsinze West Ham naho muri Barcelona Messi yagarutse mu kibuga atsinda
Mu mukino ubanza wa ½ cy’irangiza ya Capital One Cup mu Bwongereza, wabaye tariki 08/01/2014, ikipe ya Manchester City yanyagiye ikipe ya West Ham United ibitego 6-0 kuri stade Etihad ya Manchester City.
Gutsinda ibi bitego byose Manchester City yabifashijwemo na Alvaro Negredo watsinzemo ibitego bitatu, Edin Dzeko watsinzemo bibiri ndetse na Yaya Toure watsinzemo kimwe.
Umukino wo kwishyura uteganijwe kuwa 21 Mutarama 2014, ku kibuga Boleyn Ground cya West Ham United. Izakomeza hagati ya Manchester City na West Ham, ikazuhura n’izarokoka hagati ya Sunderland na Manchester United ku mukino wa nyuma w’igikombe cya Capital One Cup.
Espagne: Messi waruri mu mvine yagarutse yitwara neza
Mu gikombe cy’umwami mu gihugu cya Espagne muri 1/8 k’irangiza, ikipe FC Barcelone yihanije ikipe ya Getafe iyitsinda ibitego 4-0.
Lionel Messi. kizigenza w’ikipe ya FC Barcelone wari umaze igihe mu mvune, yagarutse mu kibuga ahita atsinda ibitego 2 muri uwo mukino, ibindi 2 bitsindwa na Fabregas.
Mu yindi mikino yabaye muri iri rushanwa, ikipe ya Athletico Bilbao yatsinzwe na Real Betis igitego 1-0. Valencia inganya na Athletico Madrid 1-1 kimwe na Racing yanganije na Almeria 1-1. Real Madrid yo iraza guhura na Osasuna uyu munsi tariki 09/01/2014.
Safari Viateur
National Football League
Ibitekerezo
Ohereza igitekerezo
|
|
