Nyuma y’aho inama y’inteko rusange y’umuryango wa Rayon Sports isubitswe inshuro ebyiri,iyo nama iraza gusubukurwa kuri iki cyumweru,gusa kuyitabira bikaba bisaba kwishyura amafaranga y’ikarita

Nk’uko twabitangarijwe na Gakwaya Olivier umunyambanga mukuru w’ikipe ya Rayon Sports Football club,kwitabira iyi nama bisaba ko uzayitabira agomba gutanga amafaranga ibihumbi bitanu byo kugura ikarita y’umunyamuryango

yagize ati "Inteko rusange ishobora kubemerera tukabashyira kuri liste bakagura amakarita bakanishyura amafaranga yo kuba abanyamuryango nyabo,gusa abanyamuryango bashya bazemererwa kwitabira inama ariko ntibazatora,abazemerrwa gutora ni bari biyandikishije ubwo hatorwaga komite y’ikipe ya Rayon Sports"

Ku murongo w’ibyigwa muri iyi nama y’inteko rusange y’umuryango wa Rayon Sports hariho gusuzuma ibyakozwe mu mwaka wa 2015 , gutora abagize komite y’umuryango wa Rayon Sports,ndetse n’utuntu n’utundi,inama biteganijwe ko izatangira ku i saa ine za mu gitondo mu cyumba cy’inama cya Alpha Palace Hotel.