Ikipe y’Amagaju yashinzwe n’Umutware Rutaremara ubwo yari amaze kugabirwa ubutware bwa Bufundu, ubu ni mu Karere ka Nyamagabe.

Muri icyo gihe ni ho umupira w’amaguru wari umaze kumenyekana biturutse ku bigaga i Kabgayi aho bigishwaga n’abazungu bahabaga.

Nyinshi mu ndirimbo z’ayo makipe wasangaga zirata ibigwi byayo bigasa neza n’izaririmbwaga ku rugamba. Nyakwigendera Musenyeri Bigirumwami avuga ibigwi by’ikipe y’Amagaju yagaragajemo amagambo y’iyo ndirimbo uko yaririmbwaga:

Dore inganji iturutse i bufundu

Dore inganji iturutse i Bufundu, Amagaju ataramanaImihigo y’abo badahigwa,

irakagira nyir’ingoma Micheli Murwanashyaka,

Tukuririmbe i Jabiro, inyamamare ubabereye ingororano,

Cyo se magaju y’i Nyamugali, cyo se Menagitero,

Cyo se Mpunga zivuna impuruza muzigabiza izamu mute ?

Ngiki igitero cy’abo hakurya muzakinyuramo mute ?

Dusubiza tutishisha ngo bizacamo.

Aba kabiri ni imikubano, aba gatatu ni imitwe,

Imipira itambitse iva impandetuzacira imitwe mu izamu,

N’abo bazungu bazabibona

Baza kubwira Rutaremara ko nta tandukanirizo n’ i Buraya

Nimwakire igikombe se Magaju.

Nimwakire umudende umunezero wo mu Bufundu

Tuwufungane Shampiyona ngabo z’ahandi,

Nimuririmbe uroya mutwe w’imena,

Inyamamare ubabereye ingororano.

Ernest Kalinganire