Mu gihe u Rwanda rwitegura igikombe cy’Afrika gihuza abakinnyi bakina imbere mu gihugu(CHAN),ikipe y’u Rwanda irakina umukino wa gicuti kuri uyu wa gatandatu na Gabon izakira igikombe cy’Afrika cya 2017.

Ikipe ya Gabon yageze mu Rwanda ku wa gatatu,yahise ikora imyitozo mu gitondo cyo kuri uyu wa kane ku kibuga cy’imyitozo cya Ferwafa i Remera,aho iyi kipe ifite icyizere gihagije cyo gutsinda u Rwanda nk’uko umutoza wayo yatangarije Kigali Today.

Yagize ati "Nta mukinnyi n’umwe wo mu Rwanda nzi,icyo nzi n’uko iyi kipe yaje iwacu ikahadutsindira igitego kimwe ku busa,ubu natwe twizeye kubasanga iwabo tukanabatsinda,n’ubwo nta mukinnyi ukina hanze nka Aubamenyang twazanye"

Uyu mutoza kandi yatangaje ko uyu mukino bawusabwe n’u Rwanda nyuma y’aho Ferwafa yasinyanye n’ishyirahamwe ry’umupira w’amaguru muri Gabon (Fegafoot), amaszerano y’ubufatanye mu mupira w’amaguru.

Ikipe ya gabon iri i Kigali

Yves Stephane Bitseki Moto, Laurhian Kantsounga, Auriol Pongui Kombo, Wilfrid Ebane Abessolo,Bardel Ngandjouma, Edmond Mouele, Assoumou Eyele,Knox Ness Younga,David Massamba,Kabi Djesnot Tchen,Franck Obambou,Romaric Fred Rogombe, Axel Meye, Rick Allogho Mba, Yann Gnassa, Jerry Nzamba, Romuald Ntsitsigui na Koussou Bamba.

Abatoza n’abaherekeje ikipe

Bounguedza Stephanie,Yala Nkouou Anicet,Deckoussoud Jacques,Ondjandambela Moussa Vou Jean Yves,Birinda Jean Sylvain,Nzong Mombo Jean,Mombo Serge Joel, Sylla Mohamed Sidi, Ognenguet Ngoleine Charles.

Uyu mukino uzahuza u Rwanda na Gabon,biteganijwe ko uzabera kuri Stade Amahoro kuri uyu wa gatandatu guhera ku i saa cyenda n’igice. U Rwanda rukaba kandi ku wa gatandatu ushize rwaratsinzwe n’ikipe y’igihugu ya Ghana igitego 1-0.

Sammy IMANISHIMWE