Ibi bibaye Nyuma y’iminsi ine hasohotse urutonde rw’abakandida ku mupira wa zahabu mu bari n’abategarugori (Women’s World Player of the Year), n’abakandida ku mwanya w’umutoza mwiza kurusha abandi mu makipe y’abari n’abategarugori mu mwaka w’2012.

Urutonde rw’abakandida rwashyizwe ahagaragara ni urwibanze, kuko amatora ya nyuma yo akorwa n’abakinnyi bahagarariye abandi (Capitains) n’abatoza bakuru b’amakipe y’ibihugu n’abanyamakuru batoranyijwe n’ikinyamakuru France Football.

Abazaba babaye aba mbere bazashyikirizwa umupira wa zahabu mu muhango uba ari nk’ikiganiro kuri television, uzabera mu mujyi wa Zurich tariki 07/01/2013, ahazatangirwa FIFA FIFP ro World XI igihembo kizahabwa umukinnyi wa bigize umwuga wahize abandi.

Hazanatangwa Puskás Award, igihembo gihabwa umukinnyi watsinze igitego cyiza kurusha ibindi mu mwaka wose, n’igihembo cy’umuyobozi w’ikipe witwaye neza n’ikipe yagaragaje Fair play kurusha izindi.

Urubuga fifa.com rutangaza, uru rutonde rw’abakinnyi 23 rwashyizweho n’inzobere mu mupira w’amaguru zo muri FIFA, n’inzobere muri ruhago z’ikinyamakuru France Football.

Urutonde rw’abatoza 10 b’amakipe y’abari n’abategarugori rwashyizweho n’inzobere zo mu kanama kayobora umupira w’abagore muri FIFA, akanama kateguye igikombe cy’isi cy’abagore na komite nyobozi ya FIFA tutibagiwe n’inzobere zashyizweho n’ikinyamakuru France Football.

Tariki 19/11/2012 hazashyirwa ahagaragara urutonde rw’agateganyo rw’abanyezamu bazatoranywamo umunyezamu w’umwaka uzahabwa Golden Gloves. Tariki 22/112012 hashyirwe ahagaragara urutonde rwa ba myugariro bagomba gutorwamo myugariro w’umwaka.

Naho tariki 26/11/2012, hashyirweho urutonde rw’abakinnyi bo hagati bazatorwamo umukinnyi wo hagati wahize abandi muri uyu mwaka w’2012.

Urutonde rw’abakinnyi 23 b’abagabo bazatorwamo batatu:

1.Sergio Agüero (Argentina),
2.Xabi Alonso (Spain),
3.Mario Balotelli (Italy),
4.Karim Benzema (France),
5.Gianluigi Buffon (Italy),
6.Sergio Busquets (Spain),
7.Iker Casillas (Spain),
8.Cristiano Ronaldo (Portugal),
9.Didier Drogba (Côte d’Ivoire),
10.Radamel Falcao (Colombia),
11.Zlatan Ibrahimović (Sweden),
12. Andrés Iniesta (Spain),
13.Lionel Messi (Argentina),
14.Manuel Neuer (Germany),
15.Neymar (Brazil),
16.Mesut Özil (Germany),
17.Gerard Piqué (Spain),
18.Andrea Pirlo (Italy),
19.Sergio Ramos (Spain),
20.Wayne Rooney (England),
21.Yaya Touré (Côte d’Ivoire),
22.Robin van Persie (Netherlands),
23.Xavi Hernandez (Spain).

Urutonde rw’abatoza 10 b’amakipe y’abagabo

1.Vicente del Bosque (Spain/Spain national team),
2.Roberto Di Matteo (Italy/Chelsea FC),
3.Alex Ferguson (Scotland/Manchester United FC),
4.Pep Guardiola (Spain/FC Barcelona former coach),
5.Jupp Heynckes (Germany/FC Bayern München),
6.Jürgen Klopp (Germany/Borussia Dortmund),
7.Joachim Löw (Germany/Germany national team),
8.Roberto Mancini (Italy/Manchester City FC),
9.José Mourinho (Portugal/Real Madrid CF),
10.Cesare Prandelli (Italy/Italy national team)

Umukinnyi w’umwaka ushize wa 2011 yari yabaye Lionel Messi, naho igitego cyiza cyabaye icya Neymar.

Egide Kayiranga