Ikipe ya Atletico Madrid ikaba yarabigezeho kuwa 3 Gicurasi imaze gusezerera Bayern Munich yo mu Budage naho Real Madrid ikaba yabigezeho kuri uyu wa 4 Gicurasi 2016,isezereye ikipe ya Manchester City ku 1-0 mu mikino yombi.

Umukino ubanza ikipe ya Manchester City ikaba yari yanganirije ku kibuga cyayo Etihad Stadium 0-0 na Real Madrid,mu mukino wo kwishyura Real Madrid itsinda Manchester City 1-0 ari nacyo cyatumye iyisezerera.

Umukinnyi Garenth Bale wa Real Madrid,imbere y’abafana bayo I Santiago Bernabeu muri Espagne, akaba ariwe wayitsindiye igitego kimwe rukumbi yabonye, cyatumye isezerera Manchester City byari bihanganye.

Umukino wa nyuma ukazahuza Real Madrid na Atletico Madrid,ikipe zose zo mu mujyi wa Madrid muri Espagne. Ukazabera mu mujyi wa Milan mu gihugu cy’u Butaliyani kuwa 28 Gicurasi 2016.

Izi kipe zikaba ziheruka guhurira ku mukino wa nyuma mu mwaka wa 2014,aho Real Madrid yatwaye igikombe Atletico Madrid iyitsinze ibitego 4-1.
Abantu bakaba bibaza niba n’uyu mwaka umutoza Diego Simeon azemera kongera gutsindwa na Real Madrid ikamutwara igikombe indi nshuro.

Ni mu gihe umutoza Zinedine Zidane wa Real Madrid nawe yifuza gukora amateka atwara igikombe cya champion’s league bwa mbere mu ikipe ya Real Madrid,nawe yigeze gukinira.

Ubusanzwe iki gikombe kikaba cyari gifitwe na FC Barcelone yagitwaye umwaka ushize itsinze Juventus yo mu Butaliyani 3-1.
Barcelone ikaba uyu mwaka yarasezerewe muri ¼ cy’irangiza itsinzwe na Atletico Madrid ibitego 3-2 uteranije imikino yombi.