Championa zo ku mugabane w’Iburayi zatangiye amakipe yatwaye ibikombe yigaragaza

19-08-2013 - 12:44' | Ibitekerezo ( 13 )

Ubwo shampiyona zo mu bihugu by’i Burayi zatangiraga mu mpera z’icyumweru gishize, amakipe asanzwe azwi ndetse yanatwaye ibikombe bya Shampiyona muri saison yashize iwayo, yatangiye yigaragaza cyane.

Muri Espagne, FC Barcelone yatangiye itsinda ikipe ya Levante ibitego 7 byose ku busa. Muri ibi bitego Messi akaba yaratsinzemo ibitego bibiri.
Real Madrid, mukeba wa Barcelone yo yaratsinze Real Betis 2-1. Ikipe ya Atletico Madrid inganya na Seville 1-1.

Mu Bwongereza, Manchester United yihereranye ikipe ya Swansea City iyitsinda ibitego 4-1. Muri uyu mukino, umukinnyi Van Persie akaba yarigaragaje cyane.

Chelsea yatsinze Hull City ibitego 2-0. Liverpool itsinda bigoranye Stock City igitego 1-0 naho Arsenal itangira itsindwa na Aston Villa ibitego 3-1.

Umutoza wa Chelsea Jose Mourinho yishimiye cyane insinzi ikipe ye yatangiye ibona.

Mu Budage, Bayern Munich yatwaye igikombe ikanigaragaza cyane itwara Champions League n’ibindi bikombe, na Borussia Dortmund yayikurikiye byanahataniye Chamions League, zatangiye zitsinda.

Bayern yatsinze Frankfurt igitego 1-0 ,naho Dortmund itsinda Eintrach Braunschweig ibitego 2-1.

Mu Bufaransa, Paris Saint Germain yanganyije na AC Ajaccio igitego 1-1.

Safari Viateur