Manchester United yasezereye Stoke City iyitsinze ibitego 2-0 ibifashijwemo na Ashley Young ndetse na Patrice Evra. Manchester City yo yasezereye Liceister City iyitsinze ibitego 3-1.

Sunderland yo yasezereye Chelsea ibifashijwemo na Borini na Ki Sung Young watsinze igitego cy’agashinguracumu ku munota w’118 w’inyongera. Tubibutse ko Chelsea yari yasezereye Arsenal muri iri rushanwa mu mpera z’ukweki kw’ukwakira 2013 iyitsinze ibitego 2-0.

Uretse Chelsea na Stoke city byasezerewe, ikipe ya Tottenham imaze igihe yirukanye umutoza nayo yasezerewe na Westham United iyitsinzwe ibitego 2-1.

Kugeza ubu, amakipe atatu akomeye arimo n’abiri ari mu myanya ine ibanza muri shampiyona y’igihugu cy’Ubwongereza amaze gusezererwa muri iri rushanwa.

Muri ½ cy’irangiza ikipe ya Manchester United ikazahura na Sunderland naho Manchester City ikazahura na Westham United. Imikino ibanza ikazaba kuwa 6 Mutarama 2014 naho iyo kwishyura ikazaba kuwa 20 ukuboza 2014.

Safari Viateur