Apr Fc yongeye gutakaza amanota ku ikipe y’i Rubavu

Yanditswe na

Sammy Imanishimwe

15-04-2016 - 19:18' | Ibitekerezo ( 2 )

Ku munsi wa mbere w’imikino yo kwishyura,APR Fc yatsinzwe na Etincelles igitego 1-0 mu mukino wabereye kuri Stade ya Kigali i Nyamirambo

Mu mukino wasaga nkaho APR Fc itari yahaye imbaraga nyinshi,Etincelles yaje kuyitungura iyitsinda igitego mu gice cya mbere maze igihagararaho mpaka umukino urangiye.

Igitego cya Etincelles cyatsinzwe ku munota wa 21 w’igice cya mbere,igitego cyatsinzwe ku ikosa ryari rikozwe na Faustin Usengimana ubwo yashakaga guha umupira umunyezamu Ndoli Jean Claude,nyuma yo kutawugumana Ndikumana Bodo yaje guhita atsindira Etincelles igitego.

Mu yindi mikino yabaye Kiyovu Sports yaje gutsinda Bugesera 3-2 ku Mumena,Amagaju anganya na Gicumbi 0-0 i Nyamagabe,mu gihe Espoit yanganyije na Muhanga ya nyuma ku rutonde 0-0 mu mukino wabereye i Rusizi.

Amafoto kuri uyu mukino

Urutonde rw’agateganyo

Ikipe	Imikino	Amanota
01 APR FC	16	34
02 RAYON SPORTS	15	32
03 MUKURA VS	15	32
04 POLICE FC	15	28
05 AS KIGALI	15	28
06 KIYOVU SPORTS	16	26
07 GICUMBI FC	16	22
08 BUGESERA FC	16	21
09 SUNRISE FC	15	19
10 AMAGAJU FC	16	19
11 MARINES FC	15	17
12 ESPOIR FC	16	16
13 MUSANZE FC	15	15
14 ETINCELLES FC	16	10
15 RWAMAGANA CITY FC	15	9
16 AS MUHANGA	16	5