Iyi kipe y’abakinnyi 11 yatowe n’abafana bangana na miliyoni umunani n’ibihumbi Magana atandatu(8 600 000) babicishije ku rubuga rwa internet rwa UEFA.

Abakinnyi batatu bazatoranywamo uzahabwa Ballon d’Or Lionel Messi, Cristiano Ronaldo na Manuel Neuer bagaragara kuri iyi lisiti mu gihe Angel Di Maria wabaye umukinnyi w’umukino wanyuma wa Champions League, ni we mukinnyi ukina muri shampiyona y’Abongereza ugaragara kuri uru rutonde.

Angel Di Maria wakiniraga Real Madrid mu mwaka wa shampiyona ushize mbere yo kuza muri Manchester United, yarushije abandi bakinnyi bose gutanga imipira yavuyemo ibitego(Assists) aho, yatanze 20 yose muri 2014.

Abakinnyi b’inyuma ku mpande ba Bayern Munich David Alaba na Philip Lahm na bo biyongereye kuri Manuel Neuer ku bakinnyi iyi kipe yo mu Budade ifite kuri uru rutonde mu gihe Arjen Robben witwaranye neza n’ikipe y’Ubuholandi mu gikombe cy’isi na we agaragara kuri urutonde.

Urutonde rw’abakinnyi n’ibyo bakoze muri 2014

Manuel Neuer yamaze imikino 19 atinjizwa igitego mu mikino 32 ya Bundes Liga yakinnye muri 2014 aho yakuyemo 83% by’amashoti yatewe.

Sergio Ramos Yatsindiye Real Madrid ibitego bitatu mu mikino ya Champions League y’umwaka ushize aho ntawundi myugariro numwe washoboye gutsinda nk’ibyo.

David Alaba Ntabwo yari yerekwa ikarita y’umuhondo mu mikino 89 aheruka gukina muri Bundes Liga harimo 24 yakinnye yose muri 2014.

Diego Godin Yari umwe mu bafashije ikipe ye kumara imikino 18 adatsindwa igitego, nta mukinnyi numwe wakoze ibirenze.

Philipp Lahm Yatanze imipira 1 042 muri Champions League muri 2014. Umukinnyi wakoze ku mipira myinshi kumurusha ni Toni Kroos gusa(1 224)

Angel di Maria Yatanze imipira myinshi yavuyemo ibitego(assists) kurusha undi mukinnyi wese muri shampiyona eshanu za mbere i Burayi.

Toni Kroos ni we watanze imipira myinshi mu gikombe cy’isi cya 2014 kurusha undi mukinnyi(544)

Arjen Robben Yashoboye kubyarira ikipe y’Ubuholandi amahirwe 17 ashobora kuvamo igitego, ni mu mikino y’igikombe cy’isi cya 2014

Lionel Messi yaciye kuri Raul ku rutonde rw’abakinnyi batsinze ibitego byinshi muri Champions League

Cristiano Ronaldo yatsinze byibura igitego kimwe mu mikino 17 aheruka gukinira mu rugo(30 muri rusanjye ku kibuga cya Real Madrid)

Zlatan Ibrahimovic yabaye umukinnyi wa mbere muri Sweden umaze gutsinda ibitego byinshi aho yakuragaho umuhigo mu kwa cyenda kwa 2014.

Jah d’eau DUKUZE