Mu gihe hagitegerejwe ibyangombwa by’inzira (visas),abakinnyi bagera kuri 26 bamaze guhamagarwa,aho muri iyi kipe hagaragaramo amwe mu masura mashya ataraherutse guhamagarwa mu Mavubi.

Uyu mwiherero w’Amavubi biteganijwe ko uzamara ibyumweru bibiri, uri mu rwego rwo gufasha ikipe y’igihugu Amavubi kwitegura umukino uzayihuza n’ikipe ya Ghana ku itariki 5/09/2015 i Kigali. mu rwego rwo gushakisha itike yo kujya mu gikombe cy’Afurika cya 2017 ndetse na CHAN ya 2016 izabera mu Rwanda.

Abakinnyi bahamagawe :
Abanyezamu : Eric Ndayishimiye (Rayon), Olivier Kwizera (APR), Jean
Claude Ndori (APR) na Marcel Nzarora (Police)

Abakina inyuma: Faustin Usengimana (Rayon), Herve Rugwiro (APR), Amani
Uwiringiyimana (Police), Ismael Nshutiyamagara (APR), Michel Rusheshangoga
(APR), Fitina Omborenga (SC Kiyovu), Eric Rutanga (APR) na Celestin
Ndayishimiye (Mukura).

Abakina hagati : Imran Nshimiyimana (Police), Yannick Mukunzi (APR), Djihad
Bizimana (APR), Mohammed Mushimiyimana (Police), Kevin Muhire (Rayon),
Andrew Butera (APR), Patrick Sibomana (APR), Jean Claude Iranzi (APR),
Jacques Tuyisenge (Police) na Dominique Savio Nshuti (Rayon)

Ba rutahizamu : Isaie Songa (Police), Issa Bigirimana (APR), Michel Ndahinduka
(APR) na Ernest Sugira (AS Kigali).

Biteganyijwe kandi ko nyuma yo kuva mu Bwongereza,ikipe y’igihugu Amavubi izakina na DR Congo i Kinshasa kuri 29/08/2015, mbere y’uko ihura na Ghana ,mu mikino ya gicuti iteganywa na FIFA.

Usibye uwo mwiherero kandi, taliki ya 12/09/2015,i Kigali,hateganijwe umukino uzahuza ikipe y’igihugu Amavubi n’ikipe y’igihugu ya Gabon.

Muri iyo myitozo,ikipe y’igihugu Amavubi irateganya kuzahura n’amakipe atandukanye nka : Edinburg University Select XI, Patrick Thistle Select XI ,Celtic na Rangers football clubs.