Rayon Sports yasinyishije rutahizamu uri mu bayoboye abandi i Burundi

Ikipe ya Rayon Sports yatangaje ko yasinyishije rutahizamu Nihoreho Arsène amasezerano y’imyaka ibiri, akaba ari uwa gatatu mu batsinze ibitego byinshi i Burundi.

Kuri uyu wa Mbere ikipe ya Rayon Sports yatangaje ko yamaze gusinyisha rutahizamu ukomoka I Burundi Nihoreho Arsène amasezerano y’imyaka ibiri, akazakinira Rayon Sports kuva mu mwaka w’imikino utaha wa 2020/2021.

Uyu musore ukiri muto yabaye uwa gatatu mu batsinze ibitego byinshi muri shampiyona y’u Burundi ya 2019/2020, aho yayisoje afite ibitego 17 mu gihe uwa mbere yari afite ibitego 19, akaba yaranatsinze ibitego bine mu mukino aheruka gukina.

Rayon Sports ibinyujije kuri Twitter yatangaje ko yasinyishije uyu rutahizamu
Rayon Sports ibinyujije kuri Twitter yatangaje ko yasinyishije uyu rutahizamu

yakiniraga ikipe ya Olympic Star yasoje shampiyona iri ku mwanya wa munani mu makipe 16, akaba yarayigiyemo avuye mu ikipe ya Rukinzo nayo ubu imaze imyaka ibiri ikina shampiyona y’icyiciro cya mbere i Burundi

Uyu mukinnyi aje yiyongera kuri Alex Harlley ukomoka muri Togo, uyu we akaba ari umukinnyi wo hagati ikipe ya Rayon Sports iheruka gusinyisha, ubusanzwe akaba ari umukinnyi ukina mu kibuga hagati, akaba yarabarizwaga muri Leta Zunze Ubumwe za Amerika.

National Football League 2019/2020

kigalitoday android app mobile

Ibitekerezo   ( 8 )

gikundiro ni gikundiro ntakipe nimwe mu Rwanda igura abakinnyi beza nkagikundiro champion itinze gutangira

mwambutsa yanditse ku itariki ya: 3-07-2020  →  Musubize

Rayon yacu turayikunda cyaneee!

ndacyayisaba raulent yanditse ku itariki ya: 29-06-2020  →  Musubize

Genda Rayon sports usigaye untera agahinda nk’umukunzi wawe.

The Moza yanditse ku itariki ya: 29-06-2020  →  Musubize

Erega nubundi umwana wanzwe niwe ukura gusa dukeneye na muhajiri nde na foste saidate oye tukurinyuma

Mukeshimana fidel yanditse ku itariki ya: 29-06-2020  →  Musubize

Komerezaho RAYON, naho abaduca intege tubareke. Musinyishe na Mugeni.

RUNANIRA yanditse ku itariki ya: 29-06-2020  →  Musubize

UBUNDI YAJYAGA ISINYISHA UWA MBERE MU GUTSINDA IBITEGO I BURUNDI NONE IGEZE KUWA GATATU !!!!!!!!!

RUSHINGABIGWI Phocas yanditse ku itariki ya: 29-06-2020  →  Musubize

Komereza aho Rayon, ureke abaduca intege. Musinyishe vuba MUGENI.

alias yanditse ku itariki ya: 29-06-2020  →  Musubize

Vaho genda uwambere baramaze kumwongerera amasezerano wabigenza ute? Oye oye SADATE komereza aho.

INNOCENT yanditse ku itariki ya: 30-06-2020  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka