Shampiyona mu Bwongereza: Manchester United yahagaritse umuvuduko wa Manchester City

Umunsi wa 27 wa Shampiyona mu Bwongereza wasize Manchester United itsinze umuturanyi wayo Manchester City ibitego bibiri ku busa (2-0), inahagarika umuvuduko wayo wo kuzuza umukino wa 23 itaratsindwa, naho kipe ya Liverpool yongeye gutsikira aho yatsinzwe na Fulham igitego kimwe ku busa (1-0).

Myugariro wa Manchester, United Wan Bissaka ahanganye na Rutahizamu wa Manchester City, Raheem Sterling
Myugariro wa Manchester, United Wan Bissaka ahanganye na Rutahizamu wa Manchester City, Raheem Sterling

Ku Cyumweru tariki ya 07 Werurwe 2021 kuri Sitade ya Etihad ikipe ya Manchester City yakiriye Manchester United ihatsindirwa ibitego bibiri ku busa. Manchester United yafunguye amazamu ku gitego cyatsinzwe na Bruno Fernandez kuri Penaliti, ku ikosa ryari rikozwe na Gabriel Jesus arikoreye Anthony Martial, icyo gitego nicyo cyasoje igice cya mbere.

Manchester United yakinnye neza igice cya mbere, yabonye igitego cya kabiri cyatsinzwe na Luke Shaw ku munota wa 50 maze icyizere cy’amanota atatu kwa Pep Guardiola kirayoyoka.

Abakinnyi ba Manchester United bishimira igitego cya Kabiri
Abakinnyi ba Manchester United bishimira igitego cya Kabiri

Umutoza wa Manchester United, Ole Gunner Solsker, yakoze amateka yo gutsinda Manchester City iwayo inshuro eshatu zikurikirana.

Nyuma yo gutsinda uwo mukino, Manchester United yagumye ku mwanya wa kabiri n’amanota 54 mu gihe Manchester City ikomeje kuyobora urutonde n’amanota 65.

Ikipe ya Liverpool yabihiwe n’umunsi wa 27 nyuma yo gutsindwa na Fulham mu rugo igitego kimwe ku busa, cyatsinzwe na Mario Lemina ku munota wa 45 w’umukino.

Umunsi wa 27 wa Shampiyona

Kuwa Gatandatu tariki ya 06 Werurwe 2021

- Burnley 1-1 Arsenal
- Sheffield United 0-2 Southampton
- Aston Villa 0-0 Wolverhampthon Wanders
- Brighton &Hove Albion 1-2 Leicester City

Ku Cyumweru tariki ya 07 Werurwe 2021

- West Bromwich Albion 0- New Castle
- Liverpool 0-1 Fulham
- Tottenham 4-1 Crystal Palace
- Manchester City 0-2 Manchester United

Kuwa Mbere tariki ya 08 Werurwe 2021

- 20:00 Chelsea irakira Everton
- 22:00: West Ham United irakira Leeds United

Shakisha izindi nkuru
kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka