Mu kiganiro barimo kugirana kuva mu ma saa munani kuri uyu wa 28 Mutarama 2016, Perezida Kagame yayihaye impanuro zitandukanye zishobora gutuma yitwara neza mu mukino uzayihuza na DR Congo kuri uyu wa 30 Mutarama 2015.

Abakinnyi b’Amavubi bashyikiriza Perezida Kagame umupira wasinyweho n’abakinnyi bose b’Amavubi

Abatoza n’abakinnyi b’Amavubi bafata ifoto y’urwibutso na Perezida wa Republika y’u Rwanda Paul Kagame

Yagize ati “Intsinzi yanyu kugeza ubu ni ikimenyetso cy’akazi gakomeye mwakoze ariko hari byinshi tukibakeneyeho.”

Yibukije Ikipe y’Igihugu, Amavubi, ko uko itsinda ariko akazi karushaho gukomera. Ati “Kugira ngo mugere kure birenzeho mugomba gukora cyane no kugira ikinyabupfura.”

Perezida wa Republika asinya ku mupira w’Amavubi

Yakomeje agira ati “Niba ikipe yanyu idashobora kugira ikinyabupfura, umusaruro wanyu uzarangwa n’ingaruka z’uburere bubi.”

Kapiteni w’Amavubi Tuyisenge Jacques yijeje Perezida wa Republika ko bazakomeza kwitwara neza

Emery Bayisenge na Ndayishimiye Eric Bakame baganira na Ministri James Kabarebe

Yabwiye abakinnyi ko bafite impano bakaba bagomba kwiha intego yo kuzikoresha batizigamye kugira ngo batange umusaruro ushimishije. Ati “Nta kindi cyagombye kubashimisha uretse kugera kure hashoboka.”

Ministri James Kabarebe uzwiho gukurikirana cyane imikino,aha yaganirizaga abakinnyi b’Amavubi

Bari bafite akanyamuneza .....

Emery Bayisenge na Yannick Mukunzi

Bungurana ibitekerezo

Djihad Bizimana,Jimmy Mulisa,Munezero Fiston na Johnny McKinstry

Emery Bayisenge na Faustin Usengimana

Yannick Mukunzi,Emery Bayisenge , Rusheshangoga Michel na Djihad Bizimana

Bafata amafoto ...

Bajya gufata imodoka

Nyuma yo guhabwa impanuro,buriye imodoka basubira mu mwiherero

Yababwiye kandi ko Abanyarwanda bose bari inyuma y’Amavubi kandi ko iyi kipe ihagarariye Abanyarwanda ikaba ikina mu izina ry’Abanyarwanda.

Ati “Buri wese ashobora gutsindwa ariko gutsindwa utakoresheje ubushobozi bwawe bwose byo si ibyo kwihanganira.”

Perezida Kagame ati "Muzakine neza"

Yabasabye kwigirira icyizere aho gushingira ku mahirwe, ababwira ko intsinzi ituruka mu cyizere cyo gutsinda umuntu aba yifitiye.

Umutoza McKinstry na Kapiteni Tuyisenge Jacques bashimiye Perezida wa Republika ukomeje kubashyigikira

Nyuma yo guhura na Perezida wa Republika,umutoza w’Amavubi Johnattan McKinstry yatangaje ko izi ari izindi mbaraga bahawe na Perezida wa Republika,anatangaza ko bazagerageza kwitwara neza uko bashoboye.

McKinstry ati "Ni iby’agaciro gakomeye cyane kuba umukuru w’igihugu yafashe umwanya akaganira n’abakinnyi, ku giti cyabo birabongerera imbaraga mu gukomeza gutegura umukino dufite imbere"

Kapiteni w’ikipe y’igihugu Tuyisenge Jacques nawe yashimiye cyane Perezida wa Republika,avuga ko yabasabye gushyira imbaraga mu gushaka intsinzi,ndetse Kapiteni yanatangaje ko ibyangombwa byose kugira ngo batsinde babihabwa.

Tuyisenge Jacques yagize ati "Warebaga ku isura ya buri mukinnyi ubwo Perezida wa Republika yatuganirizaga,wabonaga ko buri wese hari icyo ari kumva kigiye kumufasha kuzitwara neza mu mukino dufite ku wa gatandatu,kandi ntacyo twakiwtwaza tudatsinze kuko ibisabwa byose turabihabwa kandi twitaweho nk’abantu bahagarariye igihugu"

Ikipe y’igihugu Amavubi ikaba iri gutegura umukino wa 1/4 cy’irangiza aho izaba ikina na Republika iharanira Demokarasi ya Congo kuri uyu wa gatandatu taliki ya 30/01/2016 kuri Stade Amahoro ku i Saa Cyenda z’amanywa.

Andi mafoto menshi mwayasanga kuri Flickr munyuze hano

Amafoto: Muzogeye Plaisir

MENYA UMWANDITSI

Sammy Imanishimwe

Umunyamakuru

@ Samishimwe

Reba inkuru zose nanditse ( 2586 )