Kuri iki cyumweru taliki ya 26 Nyakanga 2015,nibwo inama y’inteko rusange y’ikipe ya Mukura Victory Sports yateranye,maze itora komite nshya yahawe manda y’imyaka ine.

Olivier nyuma yo kongera gutorerwa kuyobora Mukura

Umuyobozi w’akarere ka Huye Kayiranga Muzuka Eugene nawe yari ahari

Abanyamuryango ba Mukura mu nama yatoye komite

Ahagana mu ku i Saa tanu za mu gitondo nibwo mu cyumba cy’inama cy’akarere ka Huye hari hatangiye iyo nama,inama yari yari iyobowe na Perezida wari usanzwe ayobora ikipe ya Mukura ariwe Nizeyimana Olivier.

Bakurikirana inama

Nyuma yo kwemeza abanyamuryango bashya bagera kuri 72,abagera kuri 90 nibo bitabiriye amatora,aho hatowe komite nyobozi,komite ngenzuzi na Komite nkempurampaka.

Mu gikorwa cy’amatora

Abatowe

Komite nyobozi :

Perezida : Nizeyimana Olivier
Visi Prezida : Nayandi Abraham
Umunyamabanga mukuru : Sheikh Hamdan Habimana
Umubitsi : Mutemberezi Samvura Paulin

Komite ngenzuzi :

Biziramwabo Gervais
Rutaganira Methode

Komite nkemurampaka :

Irakabaho Jean Marie Vianney
Sadiki Moise
Habyarimana Charles

Bamwe mu bagize komite nshya y’ikipe ya Mukura

Emmanuel Ntakirutimana wari Umunyamabanga mukuru yatsinzwe amatora

Sebarinda Frederick watorewe kuba Perezida w’abafana mu rwego rw’igihugu

Abanyamuryango ba Mukura nyuma y’amatora

Nyuma yo gutorerwa kuyobora iyi kipe mu gihe kigera ku myaka ine,Olivier Nizeyimana yatangaje ko yishimiye kuba muri komite hyongereyemo amaraso mashya,akaba yumva bizabafasha kugera kuri byinshi

Yagize ati"Ni byiza kuba hiyongereyemo amaraso mashya,nitubihuza n’ubunanararibonye tumaze kugira mu myaka tumaze tuyobora,bizadufasha kwitwara neza ku buryo ikipe ya Mukura izagaruka mu makipe arwanira igikombe"

Nayandi Abraham yagarutse muri komite

Abraham Nayandi nawe wigeze kuyobora ikipe ya Mukura VS mu myaka yashize,yatangaje ko atigeze ava mu ikipe ya Mukura,aho ubu agiye gukomeza kuyifasha kwitwara neza bishoboka,n’ubwo atahita yizeza abafana ko igiye guhita yegukana ibikombe

Sammy IMANISHIMWE

MENYA UMWANDITSI

Sammy Imanishimwe

Umunyamakuru

@ Samishimwe

Reba inkuru zose nanditse ( 2585 )