Atletico Madrid yitegura ¼ cya Champions League yagaragayemo babiri banduye Coronavirus

Mbere y’imikino ya ¼ cya Champions League igomba kubera I Lisbonne muri Portugal, abakinnyi babiri ba Atletico Madrid basanzwemo Coronavirus.

Mbere y’uko hatangira imikino ya ¼ cya Champions League igomba yose kubera I Lisbonne muri Portugal, abakinnyi bose bagomba kubanza gupimwa Coronavirus nk’uko byategetswe na UEFA.

Atletico Madrid yageze 1/4 cya Champions League isezereye Liverpool
Atletico Madrid yageze 1/4 cya Champions League isezereye Liverpool

Mu itangazo ryasohowe n’ikipe ya Atletico Madrid igomba gukina na Leipzig yo mu Budage kuri uyu wa Kane, rivuga ko babiri muri iyi kipe basanzwemo icyorezo cya Coronavirus, gusa iyi kipe ntiyigeze itangaza niba ari abakinnyi cyangwa se abandi babarizwa muri iyi kipe barimo abatoza, abaganga n’abandi.

Aba babiri basanzwemo Coronavirus bahise bashyirwa mu kato mu ngo zabo muri Espagne, bikaza gutuma hagomba kongera gukorwa ibindi bizamini ku itsinda rigomba kwerekeza muri Portugal, ndetse bikazanahindura gahunda y’imyitozo yindi kuri iyi kipe.

Urugendo rwo muri Portugal n
Urugendo rwo muri Portugal n’imyitozo biraza kubamo impinduka

Indi gahunda y’imikino ya ¼ ya Champions League muri iki cyumweru

Ku wa Gatatu Tariki 12/08/2020: 21:00, Atalanta vs Paris Saint-Germain
Ku wa Kane Tariki 13/08/2020, 21:00: RB Leipzig vs Atletico Madrid
Ku wa Gatanu Tariki 14/08/2020, 21h00, 21:00: Barcelona vs FC Bayern München
Ku wa Gatandatu Tariki 15/08/2020, 21h00: Manchester City vs Lyon

Shakisha izindi nkuru

National Football League 2019/2020

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka