Ikipe ya Rayon Sports nyuma yo gutsinda ikipe ya Gicumbi ibitego 2-0,ntiyabashije gukomeza uwo muvuduko nyuma y’aho inaniriwe kwikura imbere ya Muhanga,ikipe itahabwaga amahirwe muri uyu mukino nyuma y’aho kuva Shampiona yatangira AS Muhanga itaratsinda umukino n’umwe

Ismaila Diarra ntiyahiriwe n’umukino w’uyu munsi

Umukino watangiye ku i Saa cyenda n’iminota 35 , ikipe ya Rayon Sports yatangiye irusha Muhanga maze ku mupira wazamukanywe na Savio,Djabel aza gutera ishoti rikomeye maze umunyezamu awukuramo

AS Muhanga yihagazeho cyane muri uyu mukino

Ku munota wa 9 w’umukino,ku mupira wari utewe na Radjou,Fabrice yasigaye wenyine atera n’umutwe maze umupira ujya hanze.

Mugheni Fabrica yahushije igitego cyari cyabazwe

Abakinnyi babanje mu kibuga

Rayon Sports: 1.Bakame, 3.Niyonkuru Djuma Radju, 4.Manzi Thierry, 6.Tubane James,16.Emmanuel Imanishimwe, 17.Mugheni Fabrice, 21.Niyonzima Olivier Sefu, 28.Manishimwe Djabel, 27.Nshuti Dominique Savio, 11.Muhire Kevin, 31.Ismaila Diarra

AS Muhanga:Ilunga Mukadi Freddy,Ibyimana Crispin,Hitimana Omar,Mutsinzi Ange,Niyigena Jules Moïse,Ndayishimiye Dieudonné,Nkurikiye Jackson,Nizigiyimana Janvier Rutinywa Gonzalez,Ngabo Mucyo Freddy,Manirambona Evode

AS Muhanga yabanje mu kibuga

Igice cya kabiri kigitangira umutoza wa Rayon yakuyemo Muhire Kevin maze yinjiza Nsengiyuma Moustapha,gusa ariko ikipe ya Muhanga mu gice cya kabiri yagarutse isa nk’iyisubiyeho,ndetse bikagaragara ko iri kurusha ikipe ya Rayon Sports hagati

Rayon Sports yabanje mu kibuga

Niyonkuru Radjou wa rayon Sports yamennye amazi mu izamu rya Muhanga benshi babifata nk’amarozi

Benshi babyibajijeho,umutoza we yavuze ko atabibonye ...

Nyuma y’iminota itagera kuri 15 uyu Moustapha asimbuye,umutoza yaje guhita yongera amukuramo maze yinjiza Gahonzire Olave,ndetse no ku munota wa 80 w’umukino aza gukuramo Imanishimwe Emmanuel maze yinjizamo Ndacyayisenga Alexis.

Nsengiyumva Moustapha yahise ajyamo igice cya kabiri kigitangira

Yaje guhita asimburwa nyuma y’iminota mike

Umunyezamu wa Muhanga yafataga imipira n’amafiyeri menshi

Umunyezamu wa Muhanga yakomeje gukora amafiyeri avanzemo no gutinza iminota

Umukino urangiye,AS Muhanga bashimaga Imana,Rayon baryama mu kibuga

Ikipe ya Muhanga yakomeje kwihagararaho imbere y’ikipe ya Rayon Sports,ndetse n’abakinnyi bayo bakomeza kugenda batinza iminota by’umwihariko binyuze ku munyezamu wayo,maze umukino uza kurangira amakipe yombi anganije ubusa ku busa.

Uko imikino yakinwe uyu munsi yarangiye

Marines 1-0 Etincelles
Bugesera 1-1 As Kigali
Sunrise 1-1 Gicumbi
Rayon Sports 0-0 As Muhanga

MENYA UMWANDITSI

Sammy Imanishimwe

Umunyamakuru

@ Samishimwe

Reba inkuru zose nanditse ( 2586 )