Ubu buryo buje kunganira Abanyarwanda kugera ku iterambere rishingiye ku ikoranabuhanga rya internet, nk’uko umuyobozi mukuru w’ishami rya Tigo rikorera mu Rwanda Tongai Maramba, yabitangaje ubwo ubu buryo bwashyiraga ku mugaragaro kuri uyu wa kabiri tariki 15 Nzeri 2015.

Iyi interineti izajya yongerera umuvuduko imikoreshereze ya telefoni.

Yagize ati “Ubusanzwe internet ya 4G, ifite umuvuduko yabaga muri modemu ndetse na mudasobwa, ariko kuri ubu n’umuntu ufite telefone, ashobora gukoresha iyi interineti kandi ikaba ihendutse cyane ugereranyije n’umuvuduko wayo.”

Tongai Maramba yanatangaje kandi ko iyi interineti ya 4G, ije gukemura ku buryo bwihuse ibibazo by’Abaturarwanda, binyuze muri serivise zitangwa hakoreshejwe umuyoboro wa interinet kuri telefoni.

Samsung Ac J1 izajya ikoreshwamo 4G.

Minisitiri w’urubyiruko n’ikoranabuhanga, Jean Philbert Nsengimana wari umushyitsi mukuru muri uyu muhango wo gutangiza ikoreshwa rya interineti ya 4G, yashimiye Tigo uburyo ifasha u Rwanda gutera imbere, ibicishije cyane cyane mu ikoranabuhanga rikoresha interineti.

Umuyobozi wa Tigo aramwereka uburyo iryo koranabuhanga rizaba rifitiye akamaro abaturage.

Ati “Mu cyerekezo cya 2020, u Rwanda rwihaye, ni uko ubukungu bwacu buzaba bushingiye ku ikoranabuhanga.”

Roger Marc Rutindukanamurego