Mu bibazo Yayi Boni yiyemeje kuzakemura harimo ibibazo byo kutumvikana biri hagati ya Sudani zombi (Sudani y’amajyepfo n’iy’Amajyaruguru). Kuri ibyo hiyogera ho amakimbirane abera mu bihugu byo muri Sahel ndetse n’ubwicanyi bwo muri Nigeria.

Yayi Boni yakomeje avuga ko ejo hazaza heza h’Afurika hazagerwaho ari uko Abanyafurika bishyize hamwe, bafite ubwigenge, banateza imbere demokarasi n’amahoro.

Mu gihe kingana n’umwaka agiye kuyobora umuryango w’Afurika yunze ubumwe, Boni yavuze ko azateza imbere ibikorwa remezo kugira ngo Afurika ikomeze itere imbere.

Yayi Boni yatorewe kuyobora umuryango w’Afurika yunze ubumwe tariki 29/01/2012 mu nama ya 18 y’uwo muryango iteraniye Addis Ababa muri Ethiopia.

Yayi Boni agiye guhagararira umuryango w’Afurika yunze ubumwe asimbuye Teodoro Obiang Nguema, Perezida wa Equatorial Guinea.

Norbert Niyizurugero