Gbagbo arashinjwa kuba inyuma y’ubwicanyi bw’aborewe abantu bagera bihumbi 3000 bwabanye nyuma y’amatora y’umukuru w’igihugu tariki 28 /11/2010muri Côte d’Ivoire. Nyuma y’ayo matora, Gbagbo yatsinzwe na Alassane Ouatara ariko yanga kurekura ubutegetsi.

Nyuma y’iperereza bakoze, abacamanza b’urukiko mpanabyaha bavuze ko bishoboka ko ubwicanyi bwakorewe abaturage muri Côte d’Ivoire bwaba bwarakozwe n’abasirikari bashyigikiye Gbagbo.

Impapuro zita muri yombi (mandat d’arrêt) uwahoze ari umukuru w’igihugu cya Côte d’Ivoire zasohowe tariki 29/11/2011.

Umwunganizi wa Gbagbo Me Jean Serge Gbougnon yatangaje ko uruhande rw’ubwunganizi rwa Gbagbo rutumva impamvu CPI yasohoye iyi mpapuro.

N’ubwo ngo abantu benshi bari biteze ko Gbagbo agomba koherezwa mu rukiko mpuzamahanga mpanabyaha byanze bikunze, abamushigikiye kimwe n’uruhande rwe rw’ubwunganizi bavuze ko batunguwe cyane n’iki cyemezo.

Abajijwe uko yakiriye izo mpapuro zita muri yombi umukiriya we, Me Gbougnon ugenekereje mu Kinyarwanda yagize ati “Nkubiswe n’inkuba”. Iri ni ryo jambo ryonyine yavuze.

Kuva Gbagbo yatabwa muri yombi i Abidjan tariki 11/4/2011, yari afungiye mu gace kitwa Korhogo gaherereye mu majyaruguru ya Cote d’Ivoire.

Cyprien Ngendahimana