Afurika y’Epfo yakoze urukingo rwa Covid-19

Afrigen Biologics, uruganda rukora imiti rwo muri Afurika y’Epfo, ku wa Kane tariki 3 Gashyantare 2022, rwatangaje ko rwakoze urukingo rwa mbere rwa Covid-19 rwo mu bwoko bwa mRNA, bakaba bifashishije amwe mu makuru y’urukingo rwa Moderna.

Urukingo rwa Covid-19 rwakorewe muri Afurika y
Urukingo rwa Covid-19 rwakorewe muri Afurika y’Epfo

Umuyobozi mukuru wa Afrigen, Petro Terblanche, yavuze ko ruzatangira kugeragerezwa ku bantu mu kwezi k’Ugushyingo 2022, mu gihe mu kwezi gutaha bazatangira kurugeragereza ku nyamanswa.

Gusa abayobozi b’uru ruganda bahakanye amakuru, yavugaga ko rwaba rwarakoresheje Ikoranabuhanga ryifashishijwe mu gukora urukingo rwo mu bwoko bwa Moderna, nk’uko Reuters yabitangaje.

Petro Terblanche yagize ati “Ntabwo twiganye Moderna, twateje imbere inzira zacu kuko Moderna nta koranabuhanga na rimwe yaduhaye”.

Yakomeje agira ati “Dutangira twatangiranye na Moderna, bitewe n’uko twabibonaga, yadufashaga kugera ku bikoresho byibanze. Si urukingo rwa Moderna, ni urukingo rwa Afrigen mRNA”.

Nyuma y’umwaka umwe hatangiye gutangwa urukingo rwa mbere rwa Covid-19 ndetse na nyuma y’imyaka ibiri iki cyorezo giteye, kugeza ubu abanyafurika bangana na 11.3% ni bo gusa bamaze gukingirwa.

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka