KT TV
Umugore arashinja umuyobozi wa Lycée de Nyanza kwihakana umwana babyaranye
Umuyobozi w’ishuli ryisumbuye rya Lycée de Nyanza riri mu murenge wa Mukingo mu karere ka Nyanza arihakana umwana mu gihe umugore babanaga nk’abashakanye ahamya ko umwana wese uvutse aba ari uw’umugabo wo muri urwo rugo.
Mukashyaka Alice wahoze ari umugore wa Nzayisenga Tharcisse avuga ko mu myaka igera kuri itatu babana nk’umugabo n’umugore yatunguwe no kubona amusize mu nzu wenyine akigendera ubutagaruka muri urwo rugo bombi bari bafitanye.
Uyu mugore asobanura ko ukugenda k’uwahoze ari umugabo we bitigeze bimubabaza ngo kuko n’ubundi babanaga mu buryo butemewe n’amategeko y’u Rwanda.
Mukashyaka avuga ko umwana wavutse muri ubwo buryo atagomba kwimwa ibyo amategeko amuteganyiriza birimo guhabwa indezo igomba kumutunga ndetse n’ibindi bijyanye n’uburenganzira bwe bw’ibanze burimo kuvuzwa no kujyanwa mu ishuli.
Ngo iyo ibyo byose bibajijwe Nzayisenga abihindura imfabusa akavuga ko adashobora gutangira indezo umwana atemera.
Ingaruka zifitwe n’uwo mwana uri mu kigero cy’imyaka ibiri. Nk’uko nyina abivuga ngo hari ubwo bombi bajya mu nzu bagasasa bakaryama nta cyo babonye babeshyeshya igifu.
Mukashyaka Alice abivuga atya: “Njye bintera isoni kubona umwana w’umuyobozi w’amashuli yisumbuye arwara akaremba nabimenyesha se umubyara akantera utwatsi kandi nawe ubwe atayobewe ko nta w’undi mugabo twigeze tubana mu myaka isaga ibiri yose twamaranye mu nzu”.
Nyuma yo kuganira kuri icyo kibazo cy’indezo y’umwana ariko impande zombi ntizikivugeho rumwe nyina w’uwo mwana avuga ko agiye kwisunga ubutabera. Nzayisenga Tharcisse yongeye gushimangira ko iby’uwo mwana w’umuhungu yitirirwa nta shingiro bifite.
Nzayisenga Tharcisse na Mukashyaka Alice bombi bari batuye mu mudugudu wa Gatengezi, akagali ka Nyamagana, umurenge wa Ruhango mu karere ka Ruhango, Intara y’Amajyepfo kuva mu mwaka wa 2009 kugeza mu mwaka wa 2011.
Jean Pierre Twizeyeyezu
Ibitekerezo ( 23 )
Ohereza igitekerezo
|
|
ibyubu biguruka nta mababa
UWO MUGORE AZAZE TWIBANIRE.YO KUJYA ABURARA.
Alice ni umusazi, turaturanye.
Alice arahemukira umwana, kuko nta mugabo wakwishyiraho umusaraba wo kwemera ko uyu mwana ari uwe.Biragaragara ko Alice atari normal mu mutwe.Ukuntu kano kana ari keza gusa!Birababaje!Habimana Eric, Rwamagana.
Sinivuze, ariko Alice turaturanye.Uyu mugore ni umusazi n’indaya kabuhariwe arazwi bihagije, ntakwiriye kurangaza abantu ngo bamuteho igihe bibaza ibye.Ese abasomyi ba internet turi abacamanza?Jye simbona iki ari icyaha cyo kuregera kuri internet kuko umugabo uvugwa ntiyahungiye mu mahanga ngo tuvuge ko Alice arimo gutabaza Polisi mpuzamahanga.
Jye ndabona umunyamakuru wa Kigali today na Alice bafitanye ibanga baziranyeho.Kuki umunyamakuru atagiriye Alice inama yo kujya mu nkiko ko aricyo zibereyeho, cyangwa akandika yabanje nibura no kumva icyo umugabo abivugaho?Ubuyobozi bwa Kigali today bukwiriye kwihaniza umunyamakuru wabo wanditse iyi nkuru, kuko arasebya umwuga wabo.Iyi nkuru ntabwo ari professional, ahubwo intego biragaragara ko ari ugusebanya.Uyu munyamakuru ashobora kuba atazi ibihano bihanishwa uwasebanyije.Uwimana Christian, Kigali.
Jye ndabona uyu mugabo Alice n’Umunyamakuru wa Kigali today bamukiniraho ikinamico kuri internet.Nsomye biriya Alice yavuze ngo:’umwana uvukiye mu rugo rurimo umugabo n’umugore aba ari uw’umugabo wo muri urwo rugo’ nibuka mu ikinamico ya Kanyombya umugore wa Samusure amubwira ngo umwana wasamwe Samusure adaheruka mu rugo ni uwe, ngo umwana uvukiye mu rugo rurimo umugabo aba ari uw’uwo mugabo.Mwibuke neza ko umwana ari uwa Nyagahene.Ariya magambo hari icyo asobanura cyumvikana neza.Uwo mugabo niyihangane.Mukeshimana Emima.
Alice we, sha, ndakubonye ntumbonye!Wajyaga uhora unkuramo inote zo kurera umwana ngo ni uwanjye burya afite undi se?Burya ikinyoma ntikiramba!Ubuse sha uzongera ungaruke mu maso ngo uje kunyaka indezo y’umwana twabyaranye?Sinivuze amazina,si ngombwa,icy’ingenzi ni uko Alice anzi niba atarijye yabeshyaga njyenyine.Mba i Kigali.
Sasa mwebwe mubanze mumenye neza niba koko H/M yarabanye na Alice ariko remember ashobora kuryamana nawe asanzwe afite inda pe. Verify plse, chef uwumudugudu, akagari, ushinzwe umutekano mumudugudu kuko babanaga hamwe bose.
ok kuki uwo mugore atagiye mu nkiko akajya kuri interinete.kuki umunyamakuru atabanje gutohoza amakuru nyayo?umugore ushobora gusanga yarasaze.
Ntabya DNA abagabo 4 sana kuko ntacyo ayobewe kdi amenye yuko ntashema ahukuye arasebye cyane
Aba bantu n’ubwo ntabazi, hakwiye gukurikiranwa niba uyu mugore atari murwayi wo mu mutwe cyangwa niba atari ugukunda guharabikana kw’abanyamakuru nkurikije uburyo iyi nkuru yatangajwemo.Kuki uyu mugore atajya mu nkiko akaregera kuri internet?Yari Minani Emmanuel.