Babisabwe n’Umunyamabanga Uhoraho muri Minisiteri y’Urubyiruko n’Ikoranabuhaga, Rosemary Mbabazi, mu kiganiro yagiranya n’abanyamakuru kuri uyu wa 30 Mata 2015.

Yagize ati “Ni yo mpamvu za gahunda zo gufasha abakene (VIUP) nta rubyiruko ruba rurimo kuko rufite imbaraga iyo ni wo mutungo wa mbere rufite. Turifuza rero kubakuramo ibyo bitekerezo byo kuvuga ngo ntibishoboye. Ushobora kuba ntacyo ushoboye nonaha ariko ukoze cyane ushobora kwivanamo ibyo bibazo.”

Yatangaje ko bidakuyeho ko hari urubyiruko ruba rwaravukiye mu miryango itishoboye ariko na none ngo ko rudashobora guhindura ayo mateka.

Mbabazi kandi ko hari urubyiruko rukwiye gufashwa nk’abana b’imfubyi za Jenoside bibaza batagira imiryango.

Yabitangaje mu gihe urubyiruko rwitegura kwinjira mu kwezi kwahariwe urubiruko kuzwi nka Youth Connect Month.

Kukazabera mu masite atanu yatoranyijwe mu gihugu ariko kukazatangirizwa ku rwego rw’igihugu mu Karere ka NyamasheKe tariki 2/5/2015.

Muri uku kwezi urubyiruko ruzagiramo ibikorwa bitandukanye byo gufasha abaturage batishoboye, rugire ibiganiro ku bibazo birwugarije kandi runarebere hamwe uburyo rwakwiteza imbere n’igihugu rukoresheje ikoranabuhanga.

Iki gikorwa kibaye ku nshuro ya gatatu cyatangije na Perezida wa Repubulika Paul Kagame mu 2012, bisabwe n’urubyiruko rwifuza ko habaho igikorwa ngarukamwaka gifasha urubyiruko kugira uruhare mu bikorwa by’iterambere n’ubukungu by’igihugu.

Emmanuel N. Hitimana