Uko igikorwa cy’umuganda kitabiriwe hirya no hino mu gihugu - AMAFOTO

27-06-2015 - 11:11' | Ibitekerezo ( )

Buri wa gatandatu wa nyuma mu gihugu hose haba igikorwa cy’umuganda. Nk’uko bisanzwe tubahitiramo amwe mu mafoto yaranze iki gikorwa mu turere dutandukanye aba yafashwe n’abanyamakuru bacu bahakorera.

Mu karere ka Muhanga, abaturage bakoze umuganda wo guharura imihanda yagiye ikatwa mu midugudu yabo.

Abaturage bazindukiye mu gikorwa cyo guharura umuhanda mushya.

Mu karere ka Ruhango abaturage biganjemo urubyiruko rwahuriye mu murenge wa RUhango mu muganda wo guharura umuhanda.

uru rubyiruko rwahuriye mu murenge wa Kigoma mu gikorwa cy'umuganda.

Igikorwa cy'umuganda cyari kitabiriwe n'urubyiruko ku bwinshi.

Mu karere ka Nyamagabe, Minisitiri w’urubyiruko Jean Philbert Nsengimana yifatanyije n’urubyiruko rwo muri aka karere mu gikorwa cy’umuganda w’ukwezi.

Umuganda mu karere ka Nyamagabe watangiye hakiri kare.

Umuganda wakozwe hakorwa isuku mu mujyi wa Nyamagabe.

Mu karere ka Nyanza, Minisitiri ushinzwe iterambere ry’umuryango Oda Gasinzigwa, yifatanyije n’abaturage mu gusiza ikibanza by’abatishoboye bo mu murenge wa Busasamana.

Minisitiri Gasanzigwa hamwe n'umuyobozi w'akarere ka Nyanza Abdalah mu gikorwa cy

Abaturage bari babukereye mu gusiza ibibanza by'abatishoboye.

Urubyiruko rwari rwitabiriye iki gikorwa ari rwinshi.

Mu karere ka Nyagatare, abaturage bo mu midugudu ya Nyagatare ya 1, 2 na 3 bakoze umuganda wo gutema ibihuru ahagana ku mugezi w’Umuvumba.

Abatuage mu gikorwa cy'umuganda mu karere ka Nyagatare.

Nyuma y'umuganda habaye inama yahuje abaturage n'ubuyobozi.

Igipande gisinywaho n'umuturage wakoze umuganda.

Mu karere ka Rwamagana naho hakozwe umuganda hatemwa ibihuru n’ibigunda.

Uko niko umuganda wakozwe muri Rwamagana.

Mu karere ka Gakenke umuganda wakorewe mu murenge wa Gakenke mu kagali ka Nganzo, ahahanzwe umuhanda mushya.

Abaturage bikoreye umuhanda uzajya ubafasha mu buhahirane.

Bari bitabiriye iki gikorwa ari benshi kuko ari bo bazawunyuramo.

Mu karere ka Kicukiro mu murenge wa Kabeza, Umukuru w’igihugu Perezida Paul Kagame yafatanyije n’abaturage mu gikorwa cyo guharura umuhanda.

Mu karere ka Bugesera mu murenge wa Shara naho haharuwe umuhanda mushya.

Mu karere ka Kamonyi mu murenge wa Gacurabwenge, Minisitiri w’Imari Amb. Gatete Claver yifatanyije n’abaturage mu gusana inzu y’umuturage wacitse ku icumu rya Jenoside yakorewe Abatutsi mu 1994.