KT TV
U Rwanda ku rutonde rw’ahari abakobwa boroshye guteretwa
U Rwanda rwagaragaye ku ikarita y’ibihugu binyuranye ku isi birangwamo abagore n’abakobwa ngo boroshye cyane guteretwa nk’uko urutonde rwakozwe hagendewe ku buhamya abakerarugendo rubigaragaza.
Kuri iyi karita y’isi yose, u Rwanda na bimwe mu bihugu byo mu karere, ruvugwaho ko ngo rufite abagore n’abakobwa “boroshye cyane guteretwa”, mu gihe ibihugu nka Irani, Iraki, Yorudaniya na Koweti bivugwaho abakobwa n’abagore “bagoye cyane guteretwa”.
Uru rutonde rwateje kutavugwaho rumwe cyane cyane mu bihugu bivugwamo abakobwa boroshye guteretwa no mu miryango y’abagore kuko ngo abarukoze batagaragaza ibipimo bifatika baheraho bemeza ko abakobwa n’abagore b’ahantu runaka boroshye cyane cyangwa boroshye guteretwa.
Kuri iyo karita, igihugu kiri mu ibara ry’icyatsi kibisi cyane ngo ni ikiba gifite abagore n’abakobwa boroshye guteretwa.
Ahari mu ibara ry’umuhondo haba abagore n’abakobwa bitwa ko basanzwe, batoroshye batanagorana cyane, mu gihe ngo igihugu kiri mu ibara ritukura cyiba cyuzuyemo abakobwa badatereteka cyangwa batereteka bigoranye cyane.
Ibihugu byo mu karere u Rwanda ruherereyemo byose bivugwaho ko bituwe n’abakobwa batereteka cyane.
Iyi karita ikorwa ishingiye ku buhamya abakerarugendo baba barasuye ibi bihugu bakusanya ngo bagahuriza hamwe ibyababayeho igihe bateretaga abakobwa n’abagore bo mu bihugu batembereyemo.
Iki cyegeranyo ngo gikomoka ku gitekerezo cy’umugabo w’Umunyamerika witwa Daryush Valizadeh ariko bahimba Roosh V and Roosh Vörek wamaze kwigaragazaho ubushake mu gukoresha imitungo ye n’ubuhanga afite mu gukusanya ubuhamya bw’abakerarugendo.
Uyu mugabo kandi azwiho kumenya gutereta cyane, ndetse ngo akaba anazenguruka ibihugu by’isi atereta abakobwa akanandika mu bitabo ubuhanga akoresha ngo abemeze kumukunda. Amaze kwandikka ibitabo 14 avugamo ingingo zinyuranye ariko zose ziganisha ku gutereta abagore n’abakobwa.
Ahishakiye Jean d’Amour
Ibitekerezo ( 14 )
Ohereza igitekerezo
|
|
Abakobwa bo mu Rwanda mwebwe ntimubazi! Upfa kubereka ama $ iyo bamenye ko uvuye hanze y’igihugu, niyo wabaha 1$, muratahana. Si ukuvuga ngo bateretwa byoroshye ahubwo bashukwa byoroshye, kubera ntawe ubatereta, ahubwo ubereka amafaranga! Nkubu ufite imodoka, amafaranga yo gusengera ka manyinya na za mushikake, biba byatunganye, kuko ni ugutahana, ejo ukazamucyura iwabo, ukanamuha $ ya ticket!! uba wabonye umugore uzagumana nawe kugeza utashye! Rero ntibateretwa byoroshye, ahubwo bakunda cash!
Mukomere mwese.Abashakashatsi babaho ariko uyu we aranyumije!!!!!!ikintu gitangaje ni uko ubushakashatsi bwe kuri 80% nibwo.gusa yibeshye kuri Brésil,Espagne ndetse no kuri India. India bo usibye ko bazitirwa naya mategeko yabo akarishye bashyira ku bakobwa babo naho ubundi nabo bari muri biriya bihugu birimo u Rwanda na East africa yose.Uburusiya na Scandinavie sinzi igituma nabyo birimbere.Ariko ntago yibeshye pe!!!! nibyo.Kandi nta n’igisebo kirimo.Gusa nibabatereta bajye babibuka kubabwira gukoresha préservatif kugirango batazatwanduza za ndwara z’inzaduka zitagira imiti n’inkingo cyangwa bihenda.Courage bakobwa mujye mwemera babaterete,aho naho muri aba mbere kw’isi,kandi umwanya wa mbere ni uwambere nyine ntago ujya ugenda ubusa.None se twagira dute ko ariko muteye!!!!!! uwo mwanya nawo muzananirwe kuwutsindira koko???