Ambasaderi mushya w’Ubuholandi mu Rwanda ni Leoni Margarita Cuelenaere wahagarariye igihugu cye muri Colombo na Sri Lanka, akaba yatangaje ko agiye guhagararira inyungu z’Ubuholandi mu Rwanda no kongera umubano w’igihugu cye mu karere.

Ambasaderi Peter Fahrenholtz we aje guhagararira igihugu cy’Ubudage mu Rwanda nyuma yo gukorera mu bihugu bitandukanye by’Iburayi, Asiya n’Afurika.

Yatangaje ko azibanda azibanda ku guteza imbere abikorera bo mu Rwanda n’Ubudage aho azashishikariza abikorera bo mu Budage kuza gushora imari mu Rwanda, mu masoko no kongera imirimo.

Ambasaderi Peter Fahrenholtz atangaza ko igihugu cye kizakomeza gufasha akarere gucyemura ibibazo bikabarizwamo cyane cyane Abanyafurika babigizemo uruhare.

Undi washyikirije ibyangombwa Perezida Kagame ni Mgr. Luciano Russo woherejwe guhagararira inyungu za Vatikani mu Rwanda akaba aje mu Rwanda nyuma yo gukorera mu bihugu bya Guineya, Honduras, Syria, Brazil, Holland, Amerika na Bulgaria, akaba umuhanga mu ndimi kuko akoresha Igitaliani, Icyongereza, Igifaransa, akongeraho Igispanyoro.

Sylidio Sebuharara