Kayumba wari umuyobozi w’akarere ka Karongi yeguye ku mirimo ye nk’umuyobozi w’Akarere ku mpamvu yavuze ko ari ize bwite mu gitondo cyo kuwa 8/1/2015.

Amakuru akomeje kuvugwa ni ay’uko yaba yareguye kubera ibibazo bishingiye ku micungire y’amafaranga yo mu bwisungane mu kwivuza, mu Rwanda bita Mituweli.

Andi makuru aravuga ko n’uwari umuyobozi w’akarere ka Nyamasheke, Habyarimana Jean Baptiste nawe weguriye rimwe n’uwa Karongi yatawe muri yombi nyuma yo kugerageza gutoroka.

Ntiturabasha kuvugana n’umuvugizi wa polisi y’u Rwanda ngo aduhe amakuru arambuye ku itabwa muri yombi ry’aba bayobozi baherutse kwegura.

Kugeza ubu abari abayobozi b’uturere twa Karongi na Nyamasheke bungirije bashinzwe imari n’iterambere ry’ubukungu nibo bayoboye utu turere mu gihe hagitegerejwe ko hazatorwa abandi binyuze mu matora nk’uko biteganywa n’amategeko agenga inzego z’ibanze y’u Rwanda.

Niyonzima Oswald