Abayobozi b’iyo mirenge ari yo Bukure, Byumba na Rwamiko bashyikirijwe ibihembo tariki 17/10/2014 binahurirana n’umuhango wo gusinyana imihigo hagati y’ubuyobozi bw’akarere ka Gicumbi n’abanyamabanga nshingwabikorwa b’imirenge.

Umuyobozi w’akarere ka Gicumbi, Mvuyekure Alexandre, avuga ko gusinyana imihingo n’abanyamabanga nshingwabikorwa b’imirenge ari uburyo bwo kwihutisha iterambere ry’umuturage rishingiye ku mihigo.

Mu mihigo yose akarere kasinyanye n’inzego zitandukanye ngo nu kugirango bakorere ku ntego ndetse bihutishe n’iterambere.

Kuri we nk’umuyobozi w’akarere ngo ntiyabasha gushyira mu bikorwa imihigo y’akarere adafite abamufasha akaba ariyo mpamvu bateguye guhemba imirenge yahize indi.

Ngo kuva ku mwanya wa nyuma kandi ngo asanga byari ngombwa ko babishimira ubuyobozi bwabafashije kwesa imihigo mu bufatanye bagiranye.

“Niyo mpamvu twateguye ibihembo byo guha imirenge yahize indi mu isuzuma twakoze tugasanga imirenge imwe yarabashije guhiga indi ikiye guhembwa” Mvuyekure.

Umuyobozi w’akarere kandi ngo imihigo iracyakomeje kuko ngo bashaka kuzaza mu myanya itanu ya mbere. Ibi abishimangira ashingiye ku bufatanye bw’inzego zitandukanye ndetse n’abafatanyabikorwa biyemeje kubafasha kwesa imihigo ya 2014-2015.

Kagina Emmanuel uyobora umurenge wa Bukure waje ku mwanya wa mbere mu mirenge 21 igize Gicumbi yatangaje ko kugirango abashe kwesa imihigo ari ubufatanye hagati y’inzego zose bakorana bityo akaba asanga igihembo agikwiye.

Ernestine Musanabera